雖然環境及生態局局長謝展寰剛宣布，垃圾收費嘅法定生效日期改為8月1日，但社會各界都對垃圾徵費執行上有大量疑問，少則由家居垃圾大細分類、點用指定垃圾袋，擴展至大廈管理公司隨時要替無用指定垃圾袋嘅住戶「執手尾」，甚至有業主立案法團估計管理費隨時要增加約3成！另一方面，食肆亦為屆時要花費購買大量指定垃圾袋，兼無人手處理廚餘而苦惱，究竟會唔會從而將食物加價，將費用轉移至消費者身上？
============
同場加映：
【家居達人】皮梳化污漬徹底清潔法 貓爪痕可以點補救？輕鬆清除原子筆痕
============
垃圾收費未實施先引來各界大量疑問，葵涌東區議員周潔莹喺電台節目表示，居民對垃圾徵費認知不足，仍有大量唔清晰地方之餘，劏房戶亦唔清楚業主會點樣處理垃圾費，更有單幢唐樓嘅住戶反映，管理處表示要購買指定垃圾袋，亦因為樓宇嘅劏房戶較多，業主立案法團指平均每月需要購買600個指定垃圾袋，預計需花費6,600元，管理費因而要上調，由現時300元增加100元，增幅達3成多！有居民質疑收費過高。另一方面，環保協進會總幹事邱榮光亦表示，近期回收量大增，剛過去嘅星期日，單係回收紙張已是平時嘅兩倍多。
單幢唐樓嘅住戶向區議員反映，管理處表示因為樓宇嘅劏房戶較多，要額外購買指定垃圾袋，故管理費要上調。
有業主立案法團指平均每月需要購買600個指定垃圾袋，預計需花費6,600元，管理費要由現時300元增加100元，增幅達3成多！
此外，垃圾徵費喺飲食業界亦引起問題。雖然政府去年曾發指引，政府會免費替食肆回收廚餘，但稻苗學會榮譽會長黃傑龍認為廚餘回收有困難，因全港只有50個回收點，擔心食肆廚餘欠缺支援。部分食肆面積細無空間作廚餘分類收集，而廚餘分類屬厭惡性工作又難以請人，擔心唔少食肆喺無法解決下寧願支付垃圾費。結果既無法減廢，又令業界成本上升，出現雙輸局面。黃傑龍估計旗下約50間食肆，每年需多付300萬元買指定垃圾袋，連同人手，費用可達500萬元，屬龐大開支。
飲食業界亦表示未必有足夠人手處理廚餘分類，又要增購指定垃圾袋，隨時候需要龐大開支。
text/Joyce
photo/HKET圖片庫
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】位元堂凍乾水果脆套裝！↓
↓ 冷凍乾燥技術鎖住濃濃果香！/ 保留營養素及豐富膳食纖維！↓
↓【必收藏】最新深圳食買玩攻略！↓
↓ 大灣區一小時生活圈！最新打卡熱點／熱門美食等！↓
