《飛常日誌》演員角色、劇情簡介、人物關係｜TVB新劇《飛常日誌》演員陣容有馬國明、蔡思貝、高海寧、洪永城、劉穎鏇、朱敏瀚，劇情主要圍繞機場禁區內外的工作大小事，播放時間為1月15日晚上8時30分起。
飛常日誌｜分集劇情劇透預告
飛常日誌｜劇情大綱
香港國際機場自九八年遷往赤鱲角，廿五年來客運量攀升三倍，楊尚偉（馬國明飾）亦從小職員晉升為中央控制中心值班經理，負責監察整個機場的運作。尚偉還有一班好伙伴，包括仰慕他的助手方可兒（郭柏妍飾）、負責機場客運服務的呂芷珊（高海寧飾）、負責機場保安的陳杰（洪永城飾）及負責停機坪服務的李勝祥（徐榮飾），他們合作無間協助處理機場發生的各種事情……
尚偉與身為港灣航空駐機場主管的前妻張若玲（蔡思貝飾）常有交集，其實二人離婚後仍想著對方，當中機長郭啟光（朱敏瀚飾)和空服員高雅雯（劉穎鏇飾）的出現，令二人關係再起波瀾。
首播有一眾主演悉數登場，當中更有視帝陳豪客串機場管理局主席一角！第一集劇情緊湊，出現多件突發事件，包括颱風襲港、導遊遺失旅客護照、大肚婆機上作動、小朋友走失等，幸好中央控制中心值班經理楊尚偉（馬國明飾），經航空公司駐機場主管張若玲（蔡思貝飾）、機場客運服務經理呂芷珊（高海寧飾）、機場保安經理（行動）陳杰（洪永城飾）和機場飛行區運作經理李勝祥（徐榮飾）等通力合作，最終將所有問題迎刃而解，從中帶出「機場無小事」中心思想。
此外，馬國明、蔡思貝、劉穎鏇（Tiffany）和洪永城昨晚去到香港國際機場進行直播宣傳劇集。直播甫開始一眾網友便恭喜馬國明和Tiffany在《萬千星輝頒獎典禮2023》分別獲得馬來西亞視帝和飛躍進步女藝員，之後四人大談拍攝時的難忘事，馬明透露拍攝期間某天被家中愛貓抓傷面部，並留有兩條血痕，馬明笑指被老婆湯洛雯笑指似Hello Kitty：「監製好好，淨係Take我另一邊面。」與馬明有不少對手戲的思貝則笑說：「我哋做對手就辛苦喇，望住佢就好似望住Hello Kitty做戲咁，好Cute！」
劇中飾演空姐的Tiffany則指梳空姐髮髻難度高，在劇中亦有空姐造型的思貝異口同聲表示認同，思貝又謂有向劇中曾做過空姐的蘇可欣請教：「佢真實示範過5分鐘就梳到個頭，我哋望住佢好似會發光咁，覺得好勁！」港姐出身的兩人又指保持空姐笑容亦不簡單，感覺像回到當年參選港姐時一樣。之後旅遊達人Tony還向網友推介機場隱藏美食，又自揭拍攝時寓工作於購物在機場瘋狂血拼：「我唔使拍嘢時就會四圍去買嘢，買咗好多嘢畀自己同埋老婆！」
講到拍攝操作飛機場口難度，朱敏瀚坦言：「整個拍攝過程都有導師現場指導，喺拍攝前10分鐘，盡量導師講一次我就做一次，好考短暫記憶，我記得第一次操作模擬器時，導師都話我好有潛質，佢事後派咗張卡片畀我，叫我試吓去考飛機師，話我應該冇問題，我就搞笑同佢講如果我撈唔掂演員就會去試吓！」該導師更正正是傳聞中現實版的《衝上雲霄》Sam哥，朱敏瀚笑言：「好開心遇到佢，可以得到佢短暫嘅教導！」另朱敏瀚再次特別鳴謝機師好友麥大力：「我知道要演機師時，已經問定佢有咩要準備，同埋去到拍模擬機艙嗰日，佢都專登過嚟搵我睇吓有冇嘢幫手，佢真係好有心，同埋我劇中一啲揸飛機嘅術語，都係佢幫我執。」
其實今次除了朱敏瀚能一圓飾演機師夢，飾演中央控制中心值班經理楊尚偉的馬國明亦算「半圓夢」，原來他大學畢業後曾向香港國際機場應徵工作，馬明受訪時笑言：「我大學讀書時係主修機械工程，所以畢業之後都寄咗好多信去搵工，其中一封真係寄過去機場，嗰個Apply嘅職位係關於飛機工程。」雖然馬明最終沒有進入機場工作，轉戰娛樂圈踏上視帝之路，但對於兜了一大個圈後竟能透過拍劇在機場「上班」，對馬明來說也算半圓夢，馬明說：「做演員可以嘗試到好多唔同嘅新事物，好開心可以喺中央控制中心（IAC）拍攝，置身嗰度嘅感覺真係好震撼，大家到時睇劇就感受到。」
飛常日誌｜演員角色人物關係
- 陳豪 飾演 宋揚
- 馬國明 飾演 楊尚偉
- 蔡思貝 飾演 張若玲
- 高海寧 飾演 呂芷珊
- 洪永城 飾演 陳杰
- 朱敏瀚 飾演 郭啟光
- 劉穎鏇 飾演 高雅雯
- 郭柏姸 飾演 方可兒
- 吳偉豪 飾演 關宇安
- 戴祖儀 飾演 張穎
- 徐榮 飾演 李勝祥
同場加映：【衝出嚟玩】最新影片
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】美獅鋒味搖滾美食節2024雙人電子門票！↓
↓ 呈獻超過20款特色環球創意料理 / 匯聚多位亞洲人氣歌手！↓
↓【限時搶⚡】卡樂B Jagabee茄汁味波浪薯條！↓
↓ 酸酸甜甜，香脆可口！↓
