農曆新年又到喇！大廈保安過時過節心情格外喜慶，亦較平日殷勤，大部分市民都不吝向他們派利是，分享新年喜悅。不過，新年期間保安換更頻密，當值人數又增加，恐怕失預算，或者未婚人士擔心冇利是會尷尬，究竟如何避開一眾看更呢？即睇網民建議喇！
近日有網民在Facebook群組「上水人大聯盟」向網友請教，「應如何有效地避開樓下保安及管理處職員向你索取利事？」，帖文一出旋即引來各方網友出招。多項建議中不乏搞笑回答，例如互相口頭祝福、反客為主問對方拎利是、見工做同事、拎化緣兜出入、爬外牆入屋等、閉關15日不出門。
有網友認為保安或管理處職員利是只是$10、$20，用有限金額換來祝福，更可讓雙方來年友好共處，十分划算。另一派網民則認為無論有沒有給利是，保安仍需盡責及謹守崗位做足份內事。
有人認為要視乎保安平日的工作態度，「如果佢平時做得好，我覺得值得俾 ,但平時招呼又唔同你打，又唔會撳掣幫你開門，咁你就黑口黑面行過算啦。」亦有人表示自己那邊的保安會認人，陌生人來訪就會要求登記，做好把關，所以每年都會派利是。有網友亦稱樓下保安笑面迎人又會幫忙開門，值得嘉許一封。
來源：Facebook、愛回家劇照
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】位元堂凍乾水果脆套裝！↓
↓ 冷凍乾燥技術鎖住濃濃果香！/ 保留營養素及豐富膳食纖維！↓
↓【必收藏】最新深圳食買玩攻略！↓
↓ 大灣區一小時生活圈！最新打卡熱點／熱門美食等！↓
