星期六即將展開農曆年假期4連休，不過近期亦適逢流感高峰期，萬一呢幾日假期內不適要睇醫生，點算好呢？好在醫管局已表示喺呢四日農曆年假期，醫管局旗下普通科門診會較往年加強服務，提供服務嘅診所會由14間增加18間，仲會增加普通科門診名額至8,000個……此外，仲有無其他配合農曆年假嘅門診服務新措施呢？
============
同場加映：
【家居達人】滅蝨專家教路！拆解全港床蝨危機 淘寶暗藏蝨？入酒店前必做步驟、回港後處理方法
============
醫管局指，四天農曆年假期，醫管局旗下普通科門診，會增加25%門診額至8,000個，並會特別加派人手處理，包括留意急症室情況，喺初三、四調派更多人手處理；而假期期間提供普通科門診，亦由14間增加到18間；至於三方協作嘅中醫門診服務，假期期間每日會設有1,800個資助服務名額；亦有約一百間私營診所及醫院，已表明會喺農曆年長假期間繼續提供服務；另外亦有超過250間中醫診所回覆，會喺初一至七延長服務。
四天農曆年假期，醫管局旗下普通科門診，會增加25%門診額至8,000個。
市民可以透過醫健通及HA Go手機應用程式，獲得於農曆年假期期間提供服務嘅門診資料，會透過地圖形式展示，方便市民查詢。但醫務衞生局局長盧寵茂提醒市民：急症室嘅醫療資源十分保貴，呼籲市民如果係患傷風感冒或擦傷等，可到其他途徑治療。
急症室非緊急病人特別退款安排
另一方面，醫管局行政總裁高拔陞表示，由2月9日至2月18日期間，醫管局急症室會實施特殊退款安排，如果病人登記後，被分類為次緊急、非緊急等病情比較輕的類別，而喺登記後又認為輪候時間太長，寧願轉到私家醫生求診，可以選擇喺24小時內向診所提出申請退款，醫院會喺一個月內透過電子支付系統退還款項，亦方便急症室為更有需要病人提供更快服務。
由2月9日至2月18日期間，醫管局急症室會實施特殊退款安排，如果病人登記後，被分類為非緊急，又認為輪候時間太長，寧願轉到私家醫生求診，可以選擇喺24小時內提出申請退款。
醫務衞生局局長盧寵茂提醒市民：急症室嘅醫療資源十分保貴，呼籲市民如果係患傷風感冒或擦傷等，可轉到其他途徑治療。
【INFO】
農曆初一至初四普通科門診服務安排
開放時間：
初一至初二(2月10日至2月11日)：9am至1pm
初三至初四(2月12日至2月13日)：9am至1pm、2pm至5pm
醫院管理局
網址：https://www.ha.org.hk/visitor/ha_index.asp?Lang=CHIB5
text/Joyce
photo/HKET圖片庫
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Canuxi Feathery薄荷綠3D立體防護口罩！↓
↓ 高透氣過濾層/ 不起毛不黏笠↓
↓【限時搶⚡】白燕NESTURE 必白美肌X烏黑生髮食療！↓
↓ 輕鬆回復素顏肌 / 同時減少白髮 ↓
