每到新年，除了可以逗利是、食盆菜外，當然唔少得去行年宵花市！日前有市民行維園年宵市場時，發現了一間主打即烤海鮮的熟食檔，店內燒蠔每隻竟要價$40，讓他忍不住網上出帖大呻：「在深圳夜市$30有5-6隻，留港點消費？」網友看後意見兩極，有人認為貴到離譜，但也有不少網友表示「一向係食氣氛」，認為樓主冇必要故意踩低自己人。
本周二（6日）於Facebook群組「深圳大陸吃喝玩樂交流」上，出現了一張維園年宵熟食檔的照片，而樓主則配文寫道，「維園花市$40一隻蠔，在深圳夜市$30有5-6隻，留港點消費？」從照片中可見，該熟食檔主要售賣即烤海鮮、串燒、阿拉伯烤肉、雞翼包飯等，其中即烤海鮮價錢略貴，燒蠔、烤元貝每隻要價$40。
一眾網友看後議論紛紛，在網上引起了兩極熱議，有人認為定價貴到離譜，無疑是在搶錢，直言該熟食檔食水太深，「$40隻，可以食到法國新鮮生蠔」、「40蚊一隻，食咗識飛呀！」、「香港係水魚之都嘛，唔劏唔安樂」。
但也有不少網友認為行年宵花市「一向係食氣氛」，並指出內地店舖攤位的租金、人工成本與香港完全不同，實在不應相提並論，「你諗下自己收香港人工就會明白，唔通瑞士人又投訴瑞士物價貴過其他地方？」、「呢個熟食檔位日租分分鐘成萬蚊一日，佢唔賣呢個價好難有錢賺」。當中更有網友認為，樓主這番言論分明是故意踩低自己人，「返大陸消費我讚同嘅，性價比係高，但真係冇必要踩低香港啫」、「好憎人成日都拎香港同深圳比，租金人工成本完全唔同」。
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】位元堂凍乾水果脆套裝！↓
↓ 冷凍乾燥技術鎖住濃濃果香！/ 保留營養素及豐富膳食纖維！↓
↓【必收藏】最新深圳食買玩攻略！↓
↓ 大灣區一小時生活圈！最新打卡熱點／熱門美食等！↓
