盆菜騙案|再有騙徒假冒盆菜店開專頁 至少過百人中招!東主顧客損失慘重

文: 黃樂恩
2024.02.08

香港又出現網購盆菜騙案?仲有幾日就到農曆新年,又到了一家人食盆菜的時候,除了到一般盆菜店預訂,不少人會選擇網上訂購盆菜,省時又省力!不過,最近就有不少市民誤信Facebook網頁廣告購入盆菜,沒想到付款後對方直接消失......

根據《東張西望》報導,苦主張太的媽媽早前在網上搜尋「盆菜」時,當時媽媽看到Facebook平台上有一間盆菜店相當吸引,便主動私訊對方「有咩選擇」,對方很快有回覆,並傳送了盆菜餐牌以及價目表。

由於媽媽不太熟悉網上的操作,於是要求店家以電話聯絡,詢問有關付款事宜,但對方卻以「訂單多」為由拒絕,又指現時網購盆菜必須網上轉帳,隨後更要求媽媽當日下午就要付款。當時媽媽未有多想,便直接以網上銀行轉帳付款$1,100,沒想到成功付款後店家便直接消失,媽媽嘗試打電話、發訊息給對方,但已無人回覆,而張太發現媽媽受騙後已即時聯絡銀行,卻依然無法追回這筆金額。

除了顧客受騙,原來亦有盆菜店被騙徒盜用相片、門市資料,假冒其店開假專頁進行詐騙。盆菜店鄧老闆深受其害,他指出往年也有發生假盆菜專頁呃錢事件,「其實舊年都有,佢哋Cap圖快、跟得好密,我出咩佢出咩,但有一樣嘢係佢唔會有電話聯絡、唔會有留言」。據他所知,目前已有過百人被騙,同時他也提醒大家,如發現訂購盆菜時無人接聽電話、只用信息作聯絡,訂購後提出疑問卻無人解答,這些都意味你已經誤墮詐騙圈套。

對於今次事件,鄧老闆深感無奈,指自己在得悉事件後已立即於網上發文澄清,「好無奈,我哋都避免唔到,咁我哋要做嘅嘢做哂」。最後他也在片中再次提醒,稱店舖只設有Facebook有群組、並未有網上訂購以及付款服務,現時僅提供電話、WhatsApp下單,至於付款方式,目前只有貨到付款以及店裡付款。

來源:東張西望

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【送機票✈️】分享旅行靚相 贏免費機票↓

↓ 請您免費飛轉日/韓/泰!↓

↓ 請您免費飛轉日/韓/泰!↓

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

↓透過發佈帖文賺取收入!立即參加!↓