拆利是|麥玲玲師傅親授拆利是貼士 𢭃到呢類人利是最多福澤?

文: 黃樂恩
2024.02.13

TVB節目《玲玲友情報》由堪輿學家麥玲玲帶領黃紫恩(Jojo)、蔡景行(行仔)和陳欣茵(Yan Yan)主持。最新一集(7日)主題為「利是唔係咁樣𢭃」,今集請來有財神專業戶之稱的安德尊擔任嘉賓,除了分享扮財神的辛酸外,玲玲師傅更會在節目中親授拆利是貼士,原來這樣做有助積運?即入內文睇睇啦!

今集節目嘉賓是人稱「大王」的安德尊,每逢農曆新年,他都會以財神身份亮相,自言扮財神時間,比另一位財神專業戶「修哥」胡楓還要耐︰「入行第二年就做財神,做了差唔多30年,其實辛苦你唔知。」安德尊透露問題出在那頂帽,由竹枝或木條撐起,長時間戴會弄致頭痛,「後生仔做會頂唔順,拍嘢6到10個鐘,你話頂唔頂得住,箍到頭痛。不過都有好處,嗰時啱啱出道無人識,但著住財神衫好受歡迎,啲人走埋嚟摸你,嗰種感覺好得意。」

節目中,安德尊自爆有一個多年習慣,就是收到有福氣、名氣長輩的利是時都會儲起來,他笑言,「儲到而家擺喺成日見到地方,係一種紀念。」玲玲師傅從玄學上分析,表示𢭃到有財福人仕的利是,可以沾到對方的好運,她解釋說︰「呢個係一個運氣傳遞,點解啲人咁鍾意收家燕姐、阿Bob、你同我嘅利是,就係咁原因。大家覺呢班人運氣唔錯,可以沾到對方好運。」

隨後麥玲玲又講笑道,話最好當然是𢭃到四大發展商的利是,福澤更佳。同時她取笑以安德尊身家,自然可以儲起這些利是不用,接住爆料說︰「江湖傳聞大王好有錢,新界眼望啲地都係你嘅,你使緊面個浸啫。啲後生(指住Jojo同行仔)唔夠錢用就要拆,有頭髮邊個想做癩痢。」

來源:節目截圖、TVB

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】Kilo Calo慢煮即食雞胸套裝!↓

↓ 雞胸經低溫慢煮烹調!/ 提供研製多時的獨特口味!↓

↓ 雞胸經低溫慢煮烹調!/ 提供研製多時的獨特口味!↓