女子食譚仔三哥報警？最近有網民分享前往譚仔三哥分店用膳，惟最後因為$10優惠「搞到要報警」，欲放上網公審反遭到一眾網民圍剿，又有人認為女子因為該原因報警「浪費警力」。
早前（20日）有網民透過社交平台群組發帖，上載一張在譚仔三哥用膳後的收據相片，並留言指「食碗粉都搞到要報警，呢世唔會再食」。到底因何事搞到要報警？據網民指，該女子原本以為可以優惠碼獲得支付寶$10優惠，惟「掃唔到碼就畀唔到優惠」，疑因未符合優惠條件而未能使用，最終選擇報警處理。
點擊圖片放大
帖文引來網民討論，有人表示驚訝，認為「今時今日，人類為左$10真係會搲爛塊面」、「$10係窮人眼中唔少錢， 我會同商家計較，但唔會去到報警」。不過，事主及後就再度留言，澄清「絕對唔係10蚊問題，係店員態度惡劣問題引起要報警」。
點擊圖片放大
有當時在現場的食客留言解釋當時情況，表示「隱約聽到店員話要叫3餸米線先用到個優惠，我諗樓主誤會咗個意思，所以叫左3個小食咁奇怪」、「黑衫店長嚟處理我覺得態度正正常常呀，都係同樓主講掃唔到碼就比唔到優惠，樓主話報警店長仲畀埋地址街號佢」。有網民認為只因態度惡劣而引致報警，似乎「浪費警力」，亦有人建議應「睇清楚」優惠券條款才使用。
▼網民咁講▼
資料及圖片來源：Facebook@大埔人大埔谷
」，
App內睇文同睇片可隨時捕捉U Fun彩蛋，
換領現金券及禮品！
↓【送禮】agnès b. CAFÉ母親節限量朱古力禮盒！↓
↓淡雅紫色包裝︱手造朱古力︱限定淺粉玫瑰花造型↓
【搶先送❗】Rollink可摺疊行李箱🧳！
↓ 全球最薄！免費成為全港首批用家 ↓
