日前有港女於討論區以「勸大家唔好用自己個名義去幫家人買樓」為題發文，大呻自己年輕時被父母利用，以她的名義買入一個細單位收租，聲稱要幫補三姐妹大學學費。最初港女以為有著數，年紀輕輕就成為了「業主」，後來她才發現自己中計，不但失去排公屋、買居屋的資格，而且每月只能捱貴租，讓她不禁感嘆是害了自己，「難道我下半生，不是捱貴租，就是同父母住受氣？」
上周三（21日），有女網民在香港討論區上公開被家人借名買樓的慘痛經歷，她在文中提到一家人原本是住在公屋，大約在她20歲時（即10年前），當時媽媽聲稱要「幫補三姐妹讀大學」，便以樓主名義購入了一個私人單位作出租用途，「我當時傻傻以為自己著數，因為咁後生自己名義上算是業主，其實中咗計，害咗自己」。她解釋道，指私人單位的屋契早已交予媽媽，至於每月收取的租金亦屬媽媽所有，她坦言自己只是名業上的業主，實質上「一毫子利益都無」。
樓主在文中透露，稱自小跟兩個妹妹同住一房，但由於無法接受她們的性格，所以早在20幾歲時便搬出租房自住，但無奈的是每月收入並不高，「20幾歲到30機歲人工都是過唔到兩萬」，而且每月必須支付$5,000至10,000租金，平日只好節衣縮食，有一次她急需現金交租，只好擅自從私人單位收取租金的戶口取出部分租金，結果遭父母責罵。
後來兩個妹妹長大後，一個成功抽到居屋，另一個則獲派公屋，她在文中大嘆「我呢世都享受唔到呢啲福利」，又指自己被屋企人利用，背上「業主」的名義，早已去排公屋、買居屋的資格。最近樓主失業，於是她只好搬回家中與父母同住，沒想到卻因此認清父母的嘴臉，平日不時都會不斷取笑她是老姑婆性格，「買嘢俾自己咁cheap，點會捨得為屋企付出」。
每當雙方有爭吵時，父母更會對她人身攻擊，媽媽怪責她沒本事，「30幾歲人沒人要，而家同屋企計較錢，人地邊個邊個嫁有錢仔住豪宅，依家屋企肯收留你已經好好」，而爸爸更稱「你越老越變態，大家一家人邊有得計較，你呢種人咁痴線，難怪失業」。每當涉及金錢上的問題，父母更會以語言攻擊她，「你咁嘅本事呀，買到樓咩？」、「話我好著數，一蚊都沒出過做業主，叫我快搬走，同我斷絕關係」。
帖文一出，隨即在網上引起熱烈討論，網友反應兩極，當中有不少人表示身同感受，「仼何有關錢銀，邊X個都信唔過」、「返唔到轉頭啦 ，30幾歲人先看清楚父母自私嘅一面」，又提議樓主索性把該單位賣掉，「賣咗間屋佢囉，你係業主嚟㗎嘛，你賣樓又唔使佢哋簽名嘅，到時睇吓邊個緊張」。
不過，也有網友坦言不解樓主為何要對父母抱怨，「你冇出過首期冇供過樓，佢哋只係用你名去買樓，你最蝕係當你買樓又要比貴稅，否則，你冇咩損失」、「其實你真係無比過首期和供樓， 只係層樓個名係你，有啲困難要佢地賣樓，而且你又失業中，你已經搬回你屋企，你啲姊妹都搬走晒，你自己一個人住一間房，唔使畀租金+家用, 你仲想點？」、「層樓係你個名，但首期供款邊個畀？你搞清楚先呀，私樓買唔起，公屋又無資格，又無男朋友，死死氣低頭回家靠父母吧，無底氣還發什麼脾氣」。
來源：香港討論區
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Canuxi Feathery薄荷綠3D立體防護口罩！↓
↓ 高透氣過濾層/ 不起毛不黏笠↓
↓【限時搶⚡】卡樂B粟一燒熱浪香辣味！↓
↓ 粟一燒結合熱浪，香辣惹味！↓
