日前(6日)有女網民在LIHKG討論區發文控訴,對於父親死後把財產只留給弟弟而感到不滿。相關帖文隨即在網上引發熱烈討論,短短幾日已吸引過千人留言,有人認為樓主的父親太過重男輕女,亦有網友鬧爆,指樓主「太計較」、「貪得無厭」,紛紛留言表示「自己移咗民仲想分,個細佬真係慘」。
該名女網民在文中交代了家庭背景,稱家中有三姐弟,自己與弟弟相差8年,近年她與年長一歲的姐姐移民,成功在當地置業,「移民置業全部都靠自己,差細佬未出身」。樓主表示,上星期爸爸來到當地探望兩姐妹,沒想到飯後散步時,爸爸突然對她說,「到時阿爸阿媽賣咗香港層樓過嚟呢邊置業,死咗都係留返層樓比細佬」。
樓主聽到後,當時未有作出太大反應,「我當下無咩表情,因為唔知比咩反應佢,事後個心有啲唔舒服」。她直言,自己不是貪圖父母的財產,只是沒想到家人會如此「重男輕女」,「唔係貪你啲錢,因為其實都無幾多,只係有啲傷心,係咪做女既下場都係咁」。
帖文曝光後,隨即引來大批網友熱烈討論,不過大多數人都認為樓主家人的決定無問題,「兩個大既都移民左照顧到自己,咪留野比個細佬」、「你同你家姐都置咗業,我諗你細佬未。你老豆都係怕你細佬冇地方住」、「女人可以靠男人,但你細佬冇得靠女人,係社會女人係Easy mode既情況下,你老豆都係想你細佬玩得相對easy d」,當中有不少人認為樓主「太計較」、「貪得無厭」,紛紛留言表示「自己上哂岸都仲要計」、「自己移咗民仲想分,個細佬真係慘」、「你遲早都嫁可以靠老公,你細佬要養埋老婆喎」、「細佬出世得遲要硬食,你都上咗岸啦,幫下最需要果個」。
亦有不少網友看後,紛紛認為樓主父親重男輕女,「生兩個女,第三個係仔,仲要細8年,盲嘅都知係追仔啦」,同時又在留言中力撐樓主,「而家點睇都係男人Easy mode喎,男人咩都唔做就有一層樓,仲有成班男網友幫口,女人仲要靠自己賺錢先買到樓,點知俾人酸貪錢」、「呢個post真心癡線,又話樓主貪錢又話冇得咁計,畀著樓主係仔又有唔同態度標準」、「重男輕女不嬲都係唔啱,你上嚟越圍爐會越唔開心,因為連登大部分人都係仔,都冇咩比到你」。
來源:LIHKG 討論區