HOY TV皇牌節目《臥底旅行團》及《香港空間改造王》大受歡迎，兩個節目均由李尚正（阿正）及盧頌恩（妹頭）主持，令他們成為HOY TV一哥、一姐。最近二人又合作新節目《臥底服務團》，介紹香港Roller場，不過妹頭罕有地堅拒踩roller，引來觀眾揣測！
同場加映：Gi-Force演唱會補場｜炎明熹大學成績表比預期中理想 投入工作未Feel到有追求者
在《臥底服務團》第一集中，阿正、妹頭連同三位模特兒嘉賓，到本地一個懷舊80年代風格的roller場拍攝。眾人學習踩roller前，先要確認免責聲明，阿正先問嘉賓們：「你哋全部冇心臟病或斷手斷腳嗰啲？」妹頭續搞笑說：「有冇懷孕？或者有冇令人懷孕？」確定大家沒有以上問題，才開始正式學習。
只見阿正和三位嘉賓都換上roller鞋及護膝等，跟教練學習動作，唯獨妹頭由頭到尾都沒有換鞋，只套上鞋套。幕後人員問妹頭：「點解你唔玩？」她沒有正面解答，只雙手在腹部前邊晃動邊說：「免責聲明我唔敢完全去confirm嗰樣嘢呀，你明唔明呀？」
觀眾留意到平日好玩得的妹頭竟然不敢踩roller，加上解釋時似有難言之隱，不少人在影片下留言問道：「確認唔到免責聲明? 妹姐係咪有咗？」、「妹姐有喜事？」等等。該集節目下半部，阿正與妹頭去了一間別有特色的酒樓飲茶，向來擦得的妹頭開懷大吃展現食力。
其實，現年36歲的妹頭一直少談私人感情事，只在2020年曾表示有拍拖五年、感情穩定的圈外男友。不過，近年圓潤不少的妹頭，日前與阿正出席活動時，笑言為襯得起獲提名金像獎最佳男配角的阿正，決定開始戒糖減肥。
圖片來源：網上截圖、IG
」，
App內睇文同睇片可隨時捕捉U Fun彩蛋，
換領現金券及禮品！
↓【送機票✈️】分享旅行靚相 贏免費機票↓
↓ 請您免費飛轉日／韓／泰！↓
↓【必收藏】最新深圳食買玩攻略！↓
↓ 大灣區一小時生活圈！最新打卡熱點／熱門美食等！↓
