因醫療事故變成植物人的8歲女童周天瑜，本周日（10日）因病情惡化拔喉離世。天瑜爸爸接受TVB節目《東張西望》訪問時表示，天瑜情況在上周四（7日）起惡化，未能吸收食物和藥物，心跳一度跌至0，最後慢慢衰竭離世。他指雖然從天瑜出事至今已相隔多時，但對女兒離世仍未能有心理準備，憶述女兒離世一刻仍難掩悲痛。
同場加映：
管家王｜190呎納米樓變出19個收納位 擺2個衣櫃再放床3招增空間感
天瑜爸爸昨日（11日）受訪時表示，天瑜情況在上周四（7日）起惡化，當日探望女兒時得知她腸道無法蠕動，未能吸收食物和藥物，只能輸入葡萄糖水。翌日他接到醫院來電，指天瑜氧氣濃度用到好高，但仍有血含氧量降低的情況。直至本周日（10日），醫院通知天瑜爸爸指天瑜心跳一度跌至0，請家人到醫院見最後一面，形容天瑜很大機會「唔得」。
天瑜慢慢衰竭離世
天瑜爸爸表示家人之前已有共識，「因為如果佢真係唔得嘅時候，你夾硬仲要佢（用）強心藥迫佢治療，佢好辛苦」。不過，他澄清家人並未決定為天瑜拔喉，形容天瑜是自然地慢慢衰竭、慢慢地心跳和呼吸停頓然後離世，
「其實都唔係話我哋決定去拔喉、去了結佢，即我坊間都聽到啲講法話父母決定去拔喉、送走佢，但我想講番情況唔係咁。」
憶述女兒離世一刻，天瑜爸爸難掩悲痛，哽咽指天瑜當時用力睜大雙眼望向媽媽，「因為我同媽咪（妻子）一人企一邊，佢望一望媽咪，又望一望我，然後開始見到佢心跳變成0，同埋面色開始變白」。
天瑜爸爸又指，雖然從天瑜出事至今已相隔多時，但對女兒離世仍未能有心理準備，「都預咗有咁嘅一日，甚至乎喺心裡面都會覺得可能咁樣對佢嚟講係一種解脫，等佢唔使咁辛苦，但睇住自己小朋友慢慢一步步咁離開，感覺係唔知點形容」。
成立治喪委員會處理後事
天瑜爸爸感恩一直關注和支持天瑜的朋友，指大家的關愛，天瑜一定已經感受得到。他日前透過Facebook專頁「天瑜醫療事故關注組」發文，指由於自己仍然有病在身，已成立治喪委員會，稍後將由慈善機構「香港關懷力量」呂之德會長和公共關係總監王耀龍博士M.H作為代表，負責處理天瑜的後事，詳情安排會在一切落實後再公布，感謝「香港關懷力量」撥款處理天瑜的後事。
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Smartech環保智能UV廚餘機！↓
↓ 廚餘轉化成肥料｜消除食物異味及殺滅細菌↓
【聖誕送禮🎄】《社群》x wwwtc mall聖誕驚喜4重賞！
↓送您人氣下午茶套餐及禮品套裝↓
