再見‧枕邊人|林凱恩犧牲色相爛面look演出 「毀容妝」勁逼真靠眼神做戲

文: 羅志宏
2024.03.13

TVB劇集《再見‧枕邊人》近日劇情主要圍繞顧晴天(黃智雯飾)採訪的「單身『狗』愛情故事」專題,店主Alton(姚宏遠飾)為了尋找當年不辭而別的舊愛Christy(林凱恩飾)接手其最愛熱狗店,更以Christy最愛的酸椰菜作招牌。

昨晚(12日)晴天在長勝(羅天宇飾)和天狗(麥秋成飾)幫助下成功尋回Christy,更揭發二人分開背後的淒美真相!Alton接手熱狗店前是飛機師,平凡的Christy原本樂觀地面對及克服與Alton之間的距離,期間卻遭前度以「閃卡」威逼復合,就在決定與前度一刀兩斷之際,Christy遇上交通意外慘被毀容!大受打擊的Christy,擔心「閃卡」及毁容事件會受到Alton嫌棄,為怕影響二人美好回憶,情願忍痛悄悄離場……

林凱恩今次在《再見‧枕邊人》中演技再度大躍進,多場忍淚戲相當有感染力,加上犧牲色相爛面演出,甚有記憶點。由於大部分時間要佩戴口罩,林凱恩很多時要單靠眼神演繹傷心、不甘、崩潰、驚恐等不同情緒,而每種情緒演出均相當到位。林凱恩感謝監製給予演出機會,並坦言是次角色由妝容到心理起伏變化均相當大:「佢本身有一段好夢幻、好開心嘅愛情,但去到最後要悲慘同飲恨咁離場……雖然之前都演過較慘嘅角色,但今次喺愛情方面再慘啲,佢係一個皮肉既受傷、又要放棄自己愛人嘅悲慘角色。」

今次的特技妝容對林凱恩來說亦是新鮮初體驗,不但化足一小時,就連卸妝也需要半小時,林凱恩笑言有一邊化妝一邊瞌眼瞓:「化妝後唔可以笑,唔可以食嘢,因為太大動作兩邊會裂開。同埋都會好痕,化完有少少敏感,但對我嚟講係一個好新鮮嘅體驗。」

爛面妝的像真程度不但嚇親林凱恩本尊,就連導演也不敢拍得太近:「佢驚出唔到街!」林凱恩表示現實中從未經歷過如此淒美的愛情故事,但自己跟Christy一樣不會勉強幸福,必要時也會選擇得體離場,認為女生應愛錫自己:「所以希望借呢個角色畀多啲女仔知道,就算變成點,有自信最重要。」

同場加映:【衝出嚟玩】最新影片

 

 

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【必收藏】最新深圳食買玩攻略!↓

↓ 大灣區一小時生活圈!最新打卡熱點/熱門美食等!↓

↓ 大灣區一小時生活圈!最新打卡熱點/熱門美食等!↓