出街買餸最驚被呃秤？近日有港媽於Facebook群組發文控訴，指自己早前到荃灣楊屋道附近一間海鮮檔買新鮮蝦遇上「灌水式」呃秤，當面拆穿後，對方仍然聲大夾惡，還理直氣壯稱「我啲蝦要水養吖！」相關帖文引來大批荃灣街坊討論，不少人紛紛直斥「原來做生意都可以咁冇道理」、「荃灣太多呢的無良舖頭」、「呢間嘢真係垃圾」。
日前港媽在Facebook群組「荃灣人」上發文，稱上周二（5日）在荃灣楊屋道附近「幫襯」一家海鮮檔，跟一名身穿紅色上衣的男店員買了1斤新鮮蝦，秤重後價錢為$45，正當她付錢後打算離開之際，才發現自己疑似遇到「灌水式」呃秤，「行左兩步時望咗一眼袋蝦，多口講咗一句『哇，個袋咁多水㗎！』佢舖頭另外一位戴眼鏡哥哥聽到就話：『同佢講啦！』指住賣蝦俾我嘅男人」。
港媽聽到後，即時走到紅衣男店員面前，要求他倒走膠袋內的水再秤，但對方只是敷衍了事，「揸住個袋口倒水，滴咗1～2滴咁」，然後對她說「係45蚊啊」。港媽看不過眼，於是自行將蝦倒水再秤，沒想到秤重後價錢變成了$41， 讓她不禁大呻「駛唔駛俾咁多水我吖？」紅衣男店員見狀，態度開始越來越惡劣，更一度惱羞成怒，他揚言道「我啲蝦要水養吖！」、「我呢度係咁㗎啦，走啦！」
原本港媽打算「大事化為小事」，只要求對方退還多付了的錢，但紅衣男店員卻大聲夾惡指罵她，「呢度買嘢係咁，無得補，走啦！」當港媽表示「咁我唔要啦，你退返錢俾我啦！」對方又對她惡言相向：「呢度買嘢無得退！無得補！走啦！」
港媽感到生氣又無奈，最終決定報警處理，「咩世界呀？做錯事仲要罵人，仲要耍無賴唔認數！真係吞唔落啖氣！」警察到場後，只要求海鮮檔補發收據，讓她收到收據去再自行到消委會作投訴。寫收據期間，紅衣男店員不但亂寫收據銀碼，其後更「惡人先告狀」反指她無故生事，「一開始寫咗張$41的收據（身有屎）。我話我俾咗$45喎！佢又改口話自己搞錯，然後再開返張$45收據。佢仲同個警察講我攞住袋蝦走咗再返嚟，點知發生咗咩事吖！哇！哇！我係完全未離開過間鋪㗎！佢真係犀利吖，一個大話又一個大話！」
對於今次事件，港媽認為這間海鮮檔的生意手法相當有問題，揚言不會再「幫襯」，又提醒附近街坊要小心，以免買餸時被呃秤，「啲人咁樣做生意真係可以長遠嗎？人哋俾你呃一次，下次都唔會再幫襯你啦！呻完！！總之！總之！大家自己小心呢間海鮮舖啦！」帖文一出，隨即在網上引發關注，網民一致批評該海鮮檔呃秤無良，紛紛留言表示「原來做生意都可以咁冇道理」、「多謝提醒！唔會去幫襯」、「荃灣好多黑店，今次又留意多一間」。亦有網民表示警察處理手法有不妥，「呢D case 係去海關而唔係消委會」、「快啲報海關啦，佢係街舖，如果有海關去探佢，其他人會見到，睇吓佢仲有冇咁惡」。
來源：FB@荃灣人
」，
App內睇文同睇片可隨時捕捉U Fun彩蛋，
換領現金券及禮品！
↓【社群送禮】送ZAO深層倍潤護膚套裝！↓
↓為肌膚注入保濕力量↓
【搶先送❗】Rollink可摺疊行李箱🧳！
↓ 全球最薄！免費成為全港首批用家 ↓
