麥明詩（Louisa）與盛勁為（Keith）的「勁甜麥」婚禮於星期日（3月24日）假吉列島遊艇會舉行，Louisa早前就忙於派喜餅予圈中好友，其中曾合作《#後生仔傾吓偈》的拍檔6號（陸浩明）收到喜餅後，就被Louisa公開認證其「半個媒人」的身份。不過，其實「真媒人」另有其人？
馮盈盈爭認做麥明詩盛勁為真媒人
麥明詩與盛勁為的第二場婚禮有星級兄弟姊妹團坐陣，其中馮盈盈（FYY）是姊妹團的一員，FYY以一身戰鬥格登場，低胸裝亮相谷胸上陣騷身材。FYY接受傳媒訪問時，就講到有報道表示6號（陸浩明）是媒人，而她就對此有所保留。FYY扮嬲地表示，她也有份做媒人，因為當初麥明詩邀請盛勁為上《#後生仔傾吓偈》節目時，盛勁為回應了一句「好，可以同fyy影相」，FYY就因而間接促成良緣，見證麥明詩和盛勁為從拍拖到成為情侶。
陸浩明獲麥明詩認證「半個媒人」
近日忙於派喜餅的麥明詩日前在IG社交平台上轉發了舊拍檔6號的限時動態，6號於片中寫道「多謝你地嘅喜餅，祝勁甜勁Sweet」，而麥明詩則回覆應道：「半個媒人」，認證6號撮合佳偶的功勞！
盛勁為（Keith）曾經在《#後生仔傾吓偈》亮相，當時已被稱為麥明詩的緋聞男友，節目中曾被主持6號有份推波助瀾，盛勁為就透露與麥明詩因為踩單車結緣，傳出緋聞後雖然兩人曾經多次澄清，但似乎是對的終於會碰到，無礙二人發展空間。
而盛勁為早前在公布求婚宣言時，亦在IG社交平台上剖白與麥明詩走在一起的心路歷程，更開腔多謝「媒人」6號，當時他發表的全文如下：
以前嘅我，以為自己會單身一世。一個人無拘無束幾咁好😛 但一個疫情，令到以為揸住鐵飯碗嘅我突然失業，原來我並非想像中咁硬淨。
嗰時我哋唔係好熟，但係你聽到我嘅情況，就問：「既然呢排得閒，想唔想去電視台做吓part-time啊？當見識吓、識吓女仔囉。」
聽到有得識女仔，梗係正啦！就係咁，你介紹咗我上去後生仔傾吓偈，再玩衝上雲霄大選，又參與咗一部劇做茄喱啡，見到好多靚女，但最後… 我都淨係識咗一個女仔，仲要本身已經識佢 😕
由一開始大家都冇諗過會有咩發展，但係就愈傾愈投契，而且覺得好mind-blowing，因為我從未遇過一個靚得黎冇脾氣、努力、會替人設想嘅女仔，仲要 🤭…. (下刪一萬字)
同你一齊，冇一刻係浪費時間，我哋每日好似best friend咁一齊玩，一齊游水打波滑雪上山下海，將「情人」同「朋友」呢兩個身份完美結合。我真係好好彩先可以遇到你。
之後我講笑話，如果我地結婚，你都要同我求婚先襯得起你性格喎。我真係冇諗過你會記得我呢句說話，然後堅做… 好嘢 👍🏼
你喺我最需要人support嘅時候出現，我呢世都會記得。我肯定將來我地會面對好多困難，但只要我哋一齊面對，一定可以捱得過
拍拖初期有一幕我到今日都好深刻，你話：「你未resume番，食飯等我請啦，嗱，你一飛返就以後都係你請我食飯㗎啦。」我希望可以請你食飯食一世啦🥹
同場加映：【香港周圍遊】最新影片
」，
App內睇文同睇片可隨時捕捉U Fun彩蛋，
換領現金券及禮品！
↓【聖誕送您🎅】 Gourami 時尚運動套裝連HKD 100 現金券↓
↓新一季主打簡約精緻設計短款背心🧘時尚又實用 ↓
【免費送💝】ghd限量冰藍美髮造型夾✨
↓一機兩用 雙效熱風造型！↓
