轉完工先覺得當初行錯路？近日有打工仔網上發文，表示後悔當初因為人工低而轉工，沒想到5年後，前公司同事全部「加哂人工」，自己就在新公司「捱生捱死無得升，人工仲原地踏步」。此帖一出，引起網友熱烈討論，有人對於樓主經驗頗感同情，紛紛在留言中安慰樓主，但亦有網友狂踩樓主2缺點，「點解無第間公司高啲人工請你？」
早前LIHKG討論區上，有打工仔發文以「（放負）有無人轉完工先覺得當初行錯路」為題發文，分享自己後悔「跳槽」的經驗。樓主表示，由於前公司人工不高，所以他在5年前果斷轉工到現在的公司，「當初係因為人工低先轉工，不知幾恨轉工，真係轉得成功勁開心」。
不過最近樓主就收到消息，原來前公司同事全部「加哂人工」，而且工作內容不變，簡直是「輕輕鬆鬆又一日」。相比之下，樓主形容自己日日返工就想死，直言「中哂伏，捱生捱死無得升，人工仲原地踏步都唔知為咩」，讓他感到非常懊悔，不斷想著自當初為甚麼要轉工，隨後更在文中感嘆道：「我都係想多少少人工啫，點解個天好似要懲罰我咁呢！」
對於樓主情況，網民頗感同情，紛紛在留言中安慰樓主，又提醒他不要灰心，「冥冥中自有主宰」、「咁咪再轉工囉 」、「下一次有得揀唔好再揀錯」。樓主亦有對此回覆，他表示「我都知個個都勸唔好望返轉頭，依家有份工揸手算好之類，比我揀多次都應該會轉工，因為心態上真係好想轉變」。
不過，有網友則認為「你唔轉咪又係成日姣住份新工覺得佢會好啲...」、「都5年啦，仲睇唔開？」、「有先知冇乞衣啦」、「5年都要出post呻，放低啦施主」，又形容樓主是一個為人短視近利、工作表現並不突出的人，「點解無第間公司高啲人工請你？一係你舊同事做得好過你，一係呢份工邊個做都一樣，只係按市價調整」、「你唔跳出舒適圈，人地點有位跳入去？」、「一向都係蠢人先跳出舒適圈，聰明人係諗辦法擴大舒適圈」。
來源：LIHKG 討論區
」，
App內睇文同睇片可隨時捕捉U Fun彩蛋，
換領現金券及禮品！
↓【免費試用】PHYSIOGEL全新面膜！✨↓
↓ 逆齡秘方㊙️! 實證即時提升肌膚彈性 ↓
↓【必收藏】最新深圳食買玩攻略！↓
↓ 大灣區一小時生活圈！最新打卡熱點／熱門美食等！↓
