Mayanne小喇叭｜陳自瑤談離婚對小朋友的影響 絕殺一句反駁好男人羅子溢
TVB清談節目《Mayanne小喇叭》由新鮮出爐的「最佳女主持」麥美恩（Mayanne）擔任主持，曾展望（GM）擔任助理主持，逢周四、五晚10點半翡翠台播映。今晚（21日）一集邀來《婚後事》主演羅子溢、陳自瑤（Yoyo）、賴慰玲和黎諾懿擔任嘉賓，四位大談拍攝花絮。其中談到父母離婚對小朋友的影響時，陳自瑤就用一句反駁了好男人羅子溢！
四人在節目中討論了大量情景題，當中包括男女對精神出軌及肉體出軌的不同看法，更延伸討論至劇中陳自瑤質問羅子溢「你同我上床嘅時候有冇諗起佢（第三者）」一幕，羅子溢搞笑引用網民回應：「使唔使開埋個腦畀你睇呀」，瞬即引發全場爆笑，黎諾懿更加入戰團與Yoyo和賴慰玲進行正反辯論。此時羅子溢跳脫地反問：「我問你，男仔見到靚女，望一望諗吓，女人望到靚仔會唔會又諗吓？」場面搞笑。
之後四人再探討到父母離婚對小朋友的影響，羅子溢大拋金句說：「呢個問題好值得思考，覺得如果預期諗辦法去解決，咁不如一開始就唔好錯，結得婚就要對婚姻有承諾，做得爸爸媽媽就要盡父母責任。」陳自瑤聞言回應：「唔係個個好似你咁㗎嘛！」
另外，講到劇中黎諾懿親身上陣露股一幕，黎諾懿大爆「神之籮柚」練成過程，他笑說：「我本身都真係咁fit，並冇特登去夾佢，我為咗呢場戲Keep住做深蹲！」黎諾懿更拋下豪語：「一係唔露，一露就應該去盡佢。」講到黎諾懿與賴慰玲的「鴛鴦戲水」場口，賴慰玲笑言該場戲自己的心理狀態是「由頭驚到落尾」，並透露上身真空上陣、下身只穿一條短褲打底，皆因熱水累事。
賴慰玲續透露說：「我纏咗好多膠紙，但我又話好驚凍，佢哋（工作人員）就幫我倒熱水落去，咁啲水咁熱啲膠紙咪溶咯，但又趕住喎，咁我咪就咁遮住（心口）咯。但因為我好驚走光，黎總就係咁幫我打泡遮住，佢拎住筲箕喺水底係咁chok啲泡出嚟！」搞鬼的黎諾懿即場重現當時動作，並笑言自己「連道具都撈得很好」。
同場加映：【香港周圍遊】最新影片
港生活人氣本地熱話
【請您去旅行✈️🌎】
↓登記領取HK$1,500 旅遊資助金💰！↓
↓【限時搶⚡】Orca Skincare芭絲特貓神魔幻養肌蜜粉↓
↓櫻花粉色增添紅潤血色感｜蜜桃粉橙色提亮膚色↓
