林盛斌（Bob）喺圈中出名瓣數多多，除咗做演員、主持之外，亦有自己搞生意。佢同老婆黃乙頤（Bob嫂）育有4個仔女，原來Bob嫂照顧家庭外，同老公一樣都係百足咁多爪，見佢IG簡介有勁多個title，而最近佢又考多一個證書，真係可以話佢係一個「時間管理大師呀！」
同場加映：金像獎提名女主角│衛詩雅曾被嫌棄冇人氣失機會 零收入與陳家樂互相借錢度日
Bob嫂除咗喺4孩之母之外，佢仲自稱係中西玄學家、新世代療癒者、 哲企行者同生酮教練。而最近佢就成為「生酮飲食及間歇斷食教練」，佢好自豪表示：「阿媽，我又得咗啦，因為自己嘅飲食習慣，我進一步進修，而家成為生酮飲食及間歇斷食教練。」唔少人都大讚佢好叻：「勁， 可以分享時間管理嗎」、「好叻呀你」、「要凑5件，每個你都要陪佢哋學嘢，自己又生意又直播 仲有時間讀課程」、「好學不倦！」
原來Bob嫂好鍾意學習，佢話自己有長達10年嘅時間好鍾意儲證書，「而我喺呢10年亦都冇白過，我有一本兩吋厚嘅證書檔案冊。本來以為都儲得差唔多，點知話咗唔讀唔讀又讀過。」
早年已接觸生酮飲食嘅Bob嫂，其實初初本意並唔係為咗減肥，係因為有家族遺傳嘅糖尿病，所以佢用生酮飲食去改善病情。佢又話減肥只係生酮飲食嘅副作用。之後Bob嫂成功減肥，po成果相但就被網友質疑佢P圖，而Bob就為老婆發聲：「我太太的確唔係乜嘢大美人，佢只係一個普通女人，40歲，從來唔化妝，冇打針，冇整容，鬆動啲先去買兩件靚少少嘅衫。生咗四個小朋友，好努力照顧佢哋，亦安排好佢哋嘅起居飲食同所有嘢。私人時間就去學吓呢樣，做吓嗰樣，然後將自己嘅興趣發展成為事業，靠自己嘅能力同知識去賺取家用，而佢都仍然keep到而家呢個狀態，喺我心目中，已經係『完美』。」
而Bob早前曬過佢老婆著西裝相，相中Bob嫂好有霸氣，Bob表示：「我老婆有佢賢良淑德、溫柔體貼嘅一面，亦都有佢好X惡同好X寸嘅一面。呢張相，充分顯露到平時佢嚟料嗰個氣場，似唔似嗰啲名校好兇殘嘅副校長或者訓導主任？」
圖片：IG
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Smartech環保智能UV廚餘機！↓
↓ 廚餘轉化成肥料｜消除食物異味及殺滅細菌↓
↓【限時搶⚡】Lactovital乳鐵蛋白咀嚼片！↓
↓ 助您健腸/改善消化系統 /提升免疫力 ↓
