中年好聲音2│周啟生反駁評判唔使識唱歌論 寸伍仲衡：接受完全冇水平嘅嘢？

同場加映：出租家人│陳家樂感激嫲嫲積蓄助發明星夢 周家怡後悔惹怒家人被趕出家門

楊千嬅在香港樂壇發展多年，她的唱功，對於普遍有聽本地流行歌的樂迷來說，自然都十分了解。今次她會擔任唱歌比賽的評判，有不少網民批評她以往唱歌經常走音，都質疑她做評判的能力，竟然亦都有好多人支持楊千嬅。其中一個支持者留言：「其實千嬅嚟做評判都要畀你哋鬧？你要搵晒啲唱歌好掂嘅？仲要千嬅唱歌根本唔差，內地咁多歌手佢都可以咁紅，證明唱功！佢喺內地開演唱會門票秒殺，證明人氣！請佢做嘉賓有何不可？」兼且更留言謂，「難道伍仲衡識唱歌？」無辜被扯中話題之中，伍仲衡躺著中槍疑立即起身反擊，在社交平台寫道：「冇常識嘅人先會覺得做歌唱比賽評判一定要唱歌好聽。」

這事引起周啟生的神經，他在自己的社交平台出帖文表示：「一個唔係作曲家，唔係編曲家，唔係音樂人，唔係綜藝科監製高層，同音樂並無其他關係，只係一個人人都認為唱歌唱得唔好嘅女歌手，擔任一個唱歌比賽嘅評判。有人撐佢認為做呢個唱歌比賽評判，係唔需要唱歌唱得好，我想問呢個係乜嘢偉大精警邏輯？係唔係孕育一個新香港去接受一啲完全冇水平嘅嘢？」最後，周啟生還出動hashtag「#無恥嘅人永遠無恥」和「#衝出嚟維護無恥嘅人至尊無恥」。似乎一次過射晒楊千嬅與伍仲衡。

當日，周啟生談到香港流行音樂巿場的生態，該帖文還自爆20前已經批評楊千嬅不適合唱歌，當時同樣引起支持與反對者的聲音爭論。今次批評，有網民批評周啟生此舉有呃Like成份，借此出位；亦有人覺得周啟生反對有理據，「楊大嬸佢完美演繹咩叫命水好，唱得比佢好嘅多到可以係香港搭條橋去日本，請衞蘭仲好啦，瞓喺度唱好聽過佢」、「紫頭嬋係行走中的CD喎，佢咁勁，梗係要預佢一份啦，反正個節目都只係個商品，要嚟搵贊助商D銀両啫」、「次次都用哭用情緒當借啲咦，大媽沒有行為是不離譜的」、「唔識打籃球，可以做籃球教練。所以個問題就嚟啦，究竟分唔分到，乜嘢係難聽，乜嘢係走音，唔同風格嘅分別」、「走音天后做評判，我好期待， 充滿娛樂性， 一路睇一路小」。

+7

+6

點擊圖片放大

不少歌手都曾經被周啟生批評過，早前舉行演唱會的陳蕾，周啟生就在帖文發表感受：「聽佢現場嘅表演，真係嚇咗我一跳，彈結他甩皮甩骨，唱歌近乎離晒譜咁走音。如果我冇記錯，早排佢攞咗最受歡迎嘅女歌手獎。」