恭喜！洪永城老婆梁諾妍順利誕下第二胎，改名做Beryl（SIR NOSE）。梁諾妍興奮在IG宣布喜訊，指聽到妹妹的出世時的喊聲，她與老公喜極而泣，更表示最期待一家五口未來一起跑馬拉松呢！
同場加映：出租家人│陳家樂感激嫲嫲積蓄助發明星夢 周家怡後悔惹怒家人被趕出家門
梁諾妍Po出一家合照，留言：「2024年3月21日，我們的 sirface 2.0妹妹 Beryl 喺荃灣港安醫院出世了！重7磅2，51cm tall，SIR NOSE。多謝你選擇我哋做你父母，我會係你和家姐最強嘅後盾！」
她又指今胎是剖腹產：「由於第一胎食全餐關係，為咗避免同上次一樣，今次要開刀攞妹妹出嚟。而由於第一胎我係震痛到瘟瘟沌沌，今次嘅剖腹產對我嚟講好似第一次體驗咁，當聽到妹妹出世嘅喊聲，我同洪爸爸都忍唔住，捉住對方隻手一齊感動到喊出嚟。呢個感覺太奇妙了！見到你足晒磅健健康康，成隻粉紅肉肉豬仔咁，媽媽倍感安慰！」
最後她亦表示：「多謝荃灣港安醫院，由Sirface 已經一直照顧得我哋好好到二胎。多謝張智醫生，最細心的婦科醫生，令我完全放心將我同BB交給你。感謝兒科伍永強醫生、麻醉科鄭浩怡醫生同所有好好嘅護士姑娘。多謝洪爸爸一直嘅陪伴，繼續組織一個又熱鬧又溫馨嘅家庭。期待3姊妹嘅相處！」
而洪永城亦「代表」細女留言：「頭先我都聽到啲姐姐話叫我sir face 2.0 ，我其實有啲唔開心，因為我想似我靚靚嘅媽咪多啲，我一定要做mum face 。我知道我喺媽媽肚入邊嘅時候跳跳扎扎，令到媽咪瞓得唔好，同埋原來我自己都幾有肉地頂住媽媽個胃，大個咗我一定會好好照顧媽咪同佢個胃。同埋一定要多謝醫院嘅哥哥姐姐們，感謝婦產科張智醫生、兒科伍永強醫生、麻醉科鄭浩怡醫生令到媽咪平安生產，我一定會成為一個健康嘅寶寶。我好高興嚟到呢個家庭，我有個好為食嘅大家姐Molly ，又有一個非常好動嘅二家姐，所以我決定傳承佢兩個嘅優點成為一個又為食又好動嘅三妹，同埋我偷聽到爸爸話一定會帶我周遊列國去旅行喎，好嘢！」
圖片：IG
」，
App內睇文同睇片可隨時捕捉U Fun彩蛋，
換領現金券及禮品！
↓【送機票✈️】分享旅行靚相 贏免費機票↓
↓ 請您免費飛轉日／韓／泰！↓
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
