丁子朗近年備受無綫力捧，自從參加偶像選秀節目《亞洲超星團》後更加係人氣急升。丁子朗一向都好勇於接受新嘢，近日佢又再「變身」，唔少網民都大讚，不過亦有人表示已經唔認得佢！
同場加映： 金像獎提名女主角│衛詩雅曾被嫌棄冇人氣失機會 零收入與陳家樂互相借錢度日
丁子朗之前喺《亞洲超星團》中嘅「小白臉」造型負評如潮，不過佢都大方表示想試多啲唔同嘅嘢；早前《亞洲超星團》比賽終於結束，而佢都將一頭金髮染番做黑色，立即「陽光」番多少，不過同時連佢嘅外貌都有所改變，fans們都留言相勸。
丁子朗日前喺社交平台騷肌，冇咗就前比賽嗰種陰柔嘅味道，之後再就post出產品宣傳照，大曬靚靚側顏。丁子朗鼻頭明顯比以前高；下巴亦翹咗；就連雙眼皮都深咗，完全認唔到係佢！相中見到丁丁手指變晒形，似乎係過度P圖所致，不過就唔知佢個樣變到咁係因為P圖、化妝定係有其他原因。
有人表示喜歡佢依家陽光嘅造型勝於之前女性化造型，又有唔少網民都感覺佢樣貌再進化，仲同之前相差甚大，留言：「點解又唔同咗樣？」、都有Fans留言相勸：「我唔討厭丁丁，但希望外貌唔好再進化，再靚仔又如何？都唔係最真嘅你。」、「你是誰？ 除咗整咗個鼻。應該仲整其他嘢，依家個側面完全唔識佢。」、「係唔係我錯覺，個樣又進化咗？」不過都有fans相信佢係純天然：「點會係整容，最多都係化妝技術超強，唔好睇小化妝嘅威力。」
圖片來源：Instgram
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】卡樂B粟一燒熱浪香辣味！↓
↓ 粟一燒結合熱浪，香辣惹味！↓
↓《社群狂歡大激賞》↓
↓送香港迪士尼樂園1日標準門票60張！↓
