唔少藝人而家都會返內地工作，同埋開設社交平台微博、抖音、小紅書，以增加內地粉絲同埋提高知名度。早排三位無綫綠葉邵卓堯、李成昌同魏惠文就一同北上「搵食」，一齊去深圳打邊爐食好西。
同場加映：全民造星V丨香胤宅愧對粉絲親解未簽約苦衷 用舞蹈說故事流露對太太愛意
邵卓堯、李成昌同魏惠文三位勁Friend，成日都約埋返內地飲飲食食。呢日佢哋就去到深圳一間餐廳打邊爐，邵卓堯問大家：「點解上嚟深圳食飯？」李成昌就話：「上嚟見識吓吖嘛！」魏惠文亦都話：「食牛肉就見得多啦。」片中可見，有唔同部位嘅牛肉圍住個鍋，佢哋仲一次過試晒，大快朵頤。邵卓堯仲感歎：「食是一種幸福，食前觀察，品味是一種情趣。」
唔少內地網友見到呢三位TVB綠葉即刻話回憶返晒嚟，好多人都提起佢哋曾經演過嘅角色，果然係深入民心。「3個老演員，從小看你們拍的劇」、「只要看tvb的劇，一定看過你們」、「哇 幾個老戲骨」、「全部都係我鍾意嘅港星，睇到你哋三位覺得好親切。 你哋三位演電視劇我全部都有睇，百睇不厭果種！」」有人更笑言三人可以開一個飲食節目：「叫《三個麻甩佬打邊爐》！」
近年開設抖音嘅邵卓堯，粉絲數量有5.8萬。佢成日分享工作日常同埋返內地遊玩嘅片段，又曾經帶觀眾遊覽電視城。佢話：「在TVB我是大家的配角。在這裏，我做生活的主角，帶大家認識不一樣的電視人生活。」
至於李成昌亦都非常活躍於抖音，影片內容都係主要係分享工作日常，同埋有好多行山嘅片段，帶大家遊走唔同嘅香港山頭。而魏惠文就較少Update抖音，片段得幾條，亦都有一啲直播唱歌嘅片段。
圖片：抖音截圖
」，
App內睇文同睇片可隨時捕捉U Fun彩蛋，
換領現金券及禮品！
【送】Cetaphil舒特膚積雪草舒敏系列💚！
↓即時降紅止痕，全面舒緩和改善5大敏感症狀 | 立即參加！ ↓
↓【聖誕送您🎅】 Gourami 時尚運動套裝連HKD 100 現金券↓
↓新一季主打簡約精緻設計短款背心🧘時尚又實用 ↓
