李佳芯（Ali）近年屢傳遭雪藏，她去年尾參加TVB台慶，相關片段在內地播映時慘被打格。Ali近日與影帝林家棟應邀到VTC（職業訓練局）智慧城市創新中心任嘉賓參觀，事後機構上載照片時竟疑似P走Ali，只剩下林家棟，令大批網友為Ali抱不平！
同場加映： 金像獎提名女主角│衛詩雅曾被嫌棄冇人氣失機會 零收入與陳家樂互相借錢度日
Ali與林家棟日前獲邀到香港專業教育學院（青衣）的VTC智慧城市創新中心，參觀由學生共同研發的創新科技展品。事後，VTC昨晚（28日）在Facebook官方專頁上載照片，只見相中Ali及家棟仔細聆聽現場人士講解，一行人有講有笑，更開開心心影大合照。
有網民在FB群組「文人多說話」出帖，表示發現VTC出post後約半小時便「彈弓手」刪po，稍後再重新出po，誰知在大合照中本站在家棟身邊的Ali，疑遭硬生生P走！對比前後兩張大合照，雖然其他人士的表情稍有不同，但細心留意家棟背後的牆壁，可看出似有裁剪的「痕跡」。
除了大合照，對比原po及新po，其他相片亦有不少「改動」：第一，原po中家棟與Ali參觀的合照，在新po被刪走「無得留低」。第二，原po中其中一張相，相中Ali和家棟正細聽講解；新po中這張照片亦被刪走，改成另一張角度一樣、但zoom近得只剩家棟在聽講解的相片。另外，由於第一點提及的合照已被刪除，懷疑VTC為了保持帖中要有四張相的排版格式，唯有上載兩張幾乎一樣、同樣是家棟一人聆聽講解的照片代替。
第三，原po中有Ali、家棟與幾位男同學合照，家棟站在同學中間，以手搭同學膊頭，Ali則站在右邊最側；在新po的同一張相，Ali被整個裁走，只剩家棟和同學。而新po的文案亦只提及邀請影帝林家棟，隻字不提Ali。
大批網友為Ali抱不平，批評VTC極不尊重Ali：「真係好唔尊重人，請人去做嘉賓，偏偏又要P走人！」、「真衰格！不如唔好請人去！」、「TVB都畀佢拍劇啦，哪怕係告別作，VTC連TVB都不如」、「唔想人出現好簡單，唔好請，唔係P走人」、「Ali好慘」。有人則搞笑指VTC的P圖技術不錯，亦有網民特意將大合照P成「全部都係Ali」。不少網民到VTC的專頁留言追問，結果VTC專頁昨晚將整個帖子刪除，暫亦未有回應事件。而最近剪短髮拍攝無綫新劇《麻雀樂團》的Ali，亦未有在社交網分享有關活動。
圖片來源：FB
」，
App內睇文同睇片可隨時捕捉U Fun彩蛋，
換領現金券及禮品！
↓【送機票✈️】分享旅行靚相 贏免費機票↓
↓ 請您免費飛轉日／韓／泰！↓
↓【必收藏】最新深圳食買玩攻略！↓
↓ 大灣區一小時生活圈！最新打卡熱點／熱門美食等！↓
