岑麗香突發嚴重過敏慘變孖潤嘴 女神「整容樣」拍片自嘲向梁朝偉致敬
岑麗香（香香）一向是網民眼中甜美可愛的女神，就算做兩孩之母，仍然自帶一份傻氣，得到相當多的觀眾緣。早前香香作客《Mayanne小喇叭》節目，談到自己湊小朋友的日常，表達得相當瘋狂忘我，不少網友都笑指她完美演繹媽媽的心聲，非常貼地。近日，香香竟然不顧女神的形象，IG分享自己嚴重過敏的情況，令大家好笑亦戥佢可憐。
同場加映：全民造星V丨香胤宅愧對粉絲親解未簽約苦衷 用舞蹈說故事流露對太太愛意
香香日前在TVB節目《Mayanne小喇叭》分享湊仔事，表情肉緊誇張而且越講越大聲，不諳廣東話將「跌咗個玩具」不斷講成「跌咗個 Toy（胎）」，令全場爆笑。香香憶起當時兵荒馬亂之際，她拖住大仔Jacob再執起地下的玩具，一齊追狂跑的細仔Julias，連街坊都望住她。Mayanne笑指若身處現場必定舉機拍下「岑麗香咆哮」一刻，香香笑言當：「我唔理喇，人命緊要呀。」可愛又精靈的香香分享「御夫必殺金句」，可令老公強強任勞任怨：「我老公係惡嗰個嚟，我會成日都讚佢『好Man呀』，『你識教佢哋執枱，好Man呀』、『嘩！男人幫小朋友沖涼，好Man呀』，咁佢就會好願意去做啲事。」
離開TVB後的香香，除了相夫教子之外，她不時在IG分享她的生活日常，除了湊小朋友的幸福時光外，老公強強都有「客串」演出，近日復活節假期，香香即時示範「御夫必殺金句」，影片中見到強強兩手抱起兩個仔，香香戴住黑超一臉輕鬆：「爸爸真係好Man呀！邊個最Man？係爸爸！」然後配以古惑的奸笑，非常可愛。不過，未知是否假期玩得太盡，香香的嘴唇出現嚴重過敏，她分享過敏第二日的情況，雙唇又紅又腫慘變「孖潤嘴」，不過香香不顧形象照樣分享，更自嘲「濾鏡」不適合自己，問網友自己到底似《東邪西毒》梁朝偉、麥當勞叔叔還是Kris Jenner，認真搞笑。
港生活人氣本地熱話
【請您睇戲】投選您心目中的金像獎影帝影后🫅🏻👸🏻
↓立即投票贏禮物！↓
↓【限時搶⚡】Lanluis MGO520+紐西蘭麥蘆卡紅蔘蜂蜜便攜裝↓
↓補氣血｜改善睡眠品質｜促進腸道健康↓
