唔少星二代bb都遺傳咗父母嘅靚基因，上年9月出生嘅Gia bb愈大愈靚女，吸引到唔少人follow，仲有新手星爸袁偉豪想同佢對親家！到底係邊個個B咁有吸引力呢？
同場加映： 全民造星V丨香胤宅愧對粉絲親解未簽約苦衷 用舞蹈說故事流露對太太愛意
Gia係前女子組合Freeze成員陳樂榣（Ally）同BOP天堂鳥隊長葉泓聲（Gordon）嘅愛情結晶，二人喺陳樂榣臨盆在即時宣布喜訊，唔經唔覺，bb已經半歲大喇！Gordon不時會分享b女可愛日常，早前兩公婆仲帶埋囡囡去泰國，囡囡全程都由爸爸孭住咁滯，錫到佢燶呀。
Gia眼大大嘴細細，面珠仔同個身都勁好肉地，皮膚白雪雪，超級精靈，有晒父母嘅好基因呀！洪永城、蕭唯展同袁偉豪等爸爸級藝人都留言大讚佢靚女又可愛，袁偉豪更加幫都係出世冇耐嘅囝囝謀福利，提早對親家，留言：「So pretty,可唔可以介紹俾圓咕碌（囝囝乳名）。」 Gordon都非常自豪，回應:「可以，約個時間先！」 Gordon更加講笑話打算捧阿女做星，真係的確有呢個潛力呀！
Gordon曾提到最初得悉有BB好興奮，因為自己真係好鍾意小朋友，而Ally本身都同前夫育有一女，Gordon亦視如己出，Gordon繼女同樣都係眼大大，非常靚女，睇嚟陳樂榣嘅基因都好強大！
圖片來源：Instagram
」，
App內睇文同睇片可隨時捕捉U Fun彩蛋，
換領現金券及禮品！
↓【送機票✈️】分享旅行靚相 贏免費機票↓
↓ 請您免費飛轉日／韓／泰！↓
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
