福祿壽訓練學院|麥嘉欣澳門小姐出身背景大起底!獲讚靚女仙氣滿瀉IG擁逾18萬粉絲

文: 羅志宏
2024.04.02

TVB首個扮嘢真人Show《福祿壽訓練學院》由阮兆祥、李思捷、王祖藍主持,逢周日晚八點半播出,第一至第三集的時長足足1.5小時,直到第4集開始才回復1小時播映時間,首集焦點盡在王祖藍一人擸盡顏值最高三位參賽者,其中扮「火雞姐」的「澳門小姐」麥嘉欣,因為形象極大反差,成功一夜爆紅。

日前的《福祿壽訓練學院》首播第一集,王祖藍極盡幸運地擸盡首集最高顏值的三位參賽者亦成為城中熱話,三人分別為「新會華Dee」陳柏曦、「選美冠軍」麥嘉欣、「老翻林峯」鄭詠謙。代號為「選美冠軍」的2017年國際小姐澳門代表麥嘉欣(Sofia)。扮演「火雞姐」的Sofia,額頭上的超級刀疤及假哨牙已為她贏得焦點,加上一身古早味連身裙打扮,並向三位導師連環做出單眼及派心心表情,喜感爆燈。

當三位導師得悉眼前的「醜角」真身是澳門小姐時,無不感到驚訝,祖藍笑言:「如果你真係選美冠軍嘅話,你係算冇乜包袱嘅。」麥嘉欣最後大方應導師要求即場落妝展示真面目,結果成功「洗底」獲網民洗版式大讚仙氣爆燈、笑容甜美:「混血混到啱晒」、「真面目好靚女」、「真人堅靚」、「有啲似謝嘉儀(港姐冠軍)」、「超靚+有口才」、「超級美人」、「靚到冇朋友」。

王祖藍甫見到麥嘉欣的「真身」,即表示曾在公開場合見過對方。翻查資料,麥嘉欣於六歲時已在澳門兼職模特兒,中學時期更開始當上KOL,之後先後擔任過節目主持、音樂MV女主角、歌舞劇女主角、網台主持,亦參與過不少廣告及微電影的拍攝工作,甚至連臨時演員都做過,演藝資歷絕對豐富。再翻查IG,麥嘉欣現時坐擁18.5萬Followers,不但身段美好、素顏勁有仙氣,而且閒時更會接觸不同類型的運動,可謂動靜皆宜。

 

同場加映:【今期Chill抵】最新影片

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【送機票】香港來回鹿兒島機票+獨家優惠碼!↓

↓把握機會!立即參加羸免費機票↓

↓把握機會!立即參加羸免費機票↓

↓【必收藏】最新深圳食買玩攻略!↓

↓ 大灣區一小時生活圈!最新打卡熱點/熱門美食等!↓

↓ 大灣區一小時生活圈!最新打卡熱點/熱門美食等!↓