00後返工首日1句話激嬲上司 對方嬲到咁回應!網友睇完笑爆:博炒魷

文: 黃樂恩
2024.04.09

職場上叫錯稱呼,隨時會「飯碗不保」?日前有打工仔於討論區分享辦公室趣事,稱公司有一位00後新同事入職,卻在上班第一天因稱呼不當,令女上司當場「嬲到面都紅晒」,即時以9字回應。事件引發網友關注,有人認為新同事舉動分明是「博炒魷」,亦有人認為這種稱呼叫法情有可原,「小朋友剛出嚟工作唔識野,唔應該怪佢,教下」,大家又點睇呢?

該名打工仔在香港討論區以「女上司被新同事叫姨姨嬲到面都紅晒」為題發文,稱公司早前有新同事入職,他估計對方2005出生、是一名年約18歲的「妹妹仔」,中學畢業後便投身職場。事主憶述當日情況,新同事首天上班時,一見到50歲的女上司便馬上自我介紹:「Hello姨姨,我係XXX...」。女上司聽到後「嬲到面都紅晒」,於是馬上反駁對方「姨咩姨,叫英文名得啦」,卻沒想到新同事在稱呼上非常執著,竟然堅持在女上司的英文名後再加上「姨」字。

事主聽後哭笑不得,他直言「其實女上司都5張野啦(約50多歲),佢地差成三十幾歲」,故被新同事叫「姨姨」都好合理。但事主也指出大多數女士都很介意被稱呼作「姨」,讓他不禁擔心新同事日後或會被針對,「睇怕妹妹之後都唔會有好日子過」。

事件一出,即引來大批網民熱烈討論,留言極為兩極化,大多數人都認為職場上以不應該以「姨姨」、「叔叔」稱呼別人,「連一般的社交禮(儀)都唔識」、「一啲人情世故都唔識」,「連職場上的基本禮儀都唔識,學做事前先學懂做人」,質疑新同事其舉動分明是「博炒魷」。另一方面,有網民力撐新同事無做錯,「大佢三十年有多,叫姨姨都算係禮貌嘅叫法 」、「叫姨姨已經有禮貌,冇叫嬸嬸已經好彩」,同時又在留言中笑稱「反正都無好日子過同妹妹講下次叫佢大嬸」。

來源:香港討論區

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【送禮】滿分好評驅蚊劑!↓

↓旅遊必備!一支驅蚊+防床蝨~↓

↓旅遊必備!一支驅蚊+防床蝨~↓

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

↓透過發佈帖文賺取收入!立即參加!↓