觀塘廣場大變身？近日觀塘廣場有指進駐了大批夾公仔機，引來不少人討論商場舖位「大換血」，認為「經濟差」致夾公仔店愈開愈多。記者今次就親身直擊，實地觀察觀廣是否真的「變天」？
坐落在觀塘港鐵站旁邊的觀塘廣場，早於1986年落成，至今已有38年歷史，大廈基座地下至3樓為商場，租戶一向以小商戶為主，當中有不少手機零件及維修舖、電腦產品舖等，另外亦有小型食肆、連鎖餐廳、酒樓、時裝零售等小店，是該區居民日常生活的一部分。
不過，最近有網民就留意到觀塘廣場疑「變天」，指約2年多前場內完全沒有任何夾公仔店，今次一去發現2樓及3樓有不少店舖均變成夾公仔店，「成個觀廣差唔多20間夾公仔舖」，大歎商場連接港鐵站人流算多「都要搞到咁」，認為「香港經濟真係差得咁X緊要」。
▼連登網民帖文▼
記者直擊觀塘廣場 逾200部夾公仔機進駐
記者昨晚（9日）約8時左右就前往觀塘廣場，雖然人流未算多，但持續都有市民入內購買外賣及在小店閒逛。
乘搭行人扶手電梯登上2樓及3樓，分別都見到不少店舖改為開設夾公仔機，其中3樓一上電梯，就可以見到坐落著一整行夾公仔店，再走進內巷，繼續開設了不少同類店舖。公仔款式包括有迪士尼、Sanrio、Chiikawa等，另外亦有夾零食機及盒裝figure（模型）。
▼觀塘廣場3樓直擊▼
至於2樓仍然有不少手機零件、精品店等尚在營業，夾公仔店大部分集中在商場內巷一角。
▼觀塘廣場2樓直擊▼
根據觀察，目前商場內合共有最少20間夾公仔舖，粗略有超過200部夾公仔機坐鎮。至於1樓店舖大致維持，繼續有手機維修店、眼鏡店、時裝店及小食店等，另外有小部分的店舖空置招租。
商場地下方面，不少人關心的燒味老店仍然營運中，另外繼續有「明記」車仔麵、零食舖等。
▼觀塘廣場1樓及地下直擊▼
對於夾公仔機陸續打入小型商場，有網民表示不感驚訝，「其實係所有細商場都變晒夾公仔」，其中原因包括「一來而家經濟麻麻，二來個個都上網買嘢，舖頭邊會好生意」、「台主租一部機可能講緊一千至三千（元），蝕晒唔肉痛」。
▼網民留言▼
資料及圖片來源：連登討論區、UHK港生活
」，
App內睇文同睇片可隨時捕捉U Fun彩蛋，
換領現金券及禮品！
↓【送機票✈️】分享旅行靚相 贏免費機票↓
↓ 請您免費飛轉日／韓／泰！↓
↓【必收藏】最新深圳食買玩攻略！↓
↓ 大灣區一小時生活圈！最新打卡熱點／熱門美食等！↓
