巴黎奧運丨梁芷珮再拍「鮮肉」飛巴黎拍攝 出賣老公黑圖力證拍《潮什麼》瘦晒

文: 余美鳳
2024.04.11

旅遊節目《潮什麼》系列主持梁芷珮(Christy)拍住老公Kenneth走勻世界每個角落,除了意大利、法國、冰島及南美洲多個國家外,連北極、南極都踏足過,相信不容易。近日,Christy預告下星期將出發到巴黎,今次同樣拍《潮什麼》但就多添一份使命,就是拍攝2024巴黎奧運的攻略特輯,原來仲會夥拍全新的「鮮肉」男主持拍檔,令人期待!

同場加映:中年好聲音2丨古淖文認半紅不黑浮沉15年欠運 學習謙卑求進:當年贏冠軍一定囂

梁芷珮在IG分享跟老公Kenneth多年前拍攝《法國潮什麼》時的花絮照片,她表示:「巴黎我哋下個禮拜見喇!我哋去拍《奧運攻略》呀!你睇下吖,黎生做《潮什麼》攝影師真係好辛苦㗎,想當年我哋拍緊《法國潮什麼》時仲咁幸福肥,過咗10年都唔夠就做到lip哂陰公…#出賣老公系列」相中見Kenneth的確面圓圓非常好肉地,反而梁芷珮多年來都保養得非常之好,難怪觀眾們都睇唔出她是三孩之母,不過近年兩公婆都著重健康,經常一齊去做運動,所以兩公婆齊齊弗到爆,人人稱羨。

政府買「2024巴黎奧運會」電視播映權 免費電視台唔使爭有得轉播

出賣老公黑圖其實都是為出發而推出預告,今次飛巴黎原來都是為TVB奧運節目拍攝,曾經跟黃庭鋒主持過北京冬奧的她接受本網訪問時表示:「係呀我去拍攻略,主要拍攝奧運場館附近嘅嘢,都係《潮什麼》但個主題係奧運,(會唔會做埋奧運採訪主持?)應該唔會喇,公司應該有自己主持,我只係拍周邊嘢!」她預計拍攝六集,下星期出發,拍攝工作到5月2日才返港。而今次同行的除了老公外,「鮮肉」男主持鄭衍峰都會匯合他們拍攝工作。

 

 

其實早於3月頭開始,TVB已經開始製作《J Sport》節目,主要介紹香港運動員備戰奧運的情況,節目由鄭衍峰、曾文心、何泳芍及何振然主持,未知今次奧運會否派四人負責採訪奧運的工作呢?鄭衍峰接受本網訪問,他表示:「政府宣布購入電視播放權之後,公司監製已經即時開會籌備節目,不過係咪到時七月真係會派員飛去採訪暫時未有定案。我當然好想去啦,上屆做過東京奧運廠景,準備咗幾年時間,希望可以親身去一次做奧運主持,呢個對主持人而言絕對係一個好體驗同里程碑。」他表示今個月底將會出發巴黎拍攝攻略,教香港人如何飛往當地觀看奧運賽事以及巴黎籌備奧運的情況。「我知公司有計劃拍攝奧運前奏節目,而家我拍埋手頭上《執法者們》劇集之後,就會全力投入奧運相關工作直至八月,梁芷珮拍攝更多內容,我只係同佢去其中幾個景點。其實今次我都已經做足功課,特別係巴黎奧運開幕式今年唔喺場館搞,而係喺賽納河搞,所以我會介紹沿途名勝,或者幫大家搵最佳位置見證等等,努力做功課。」

 

 

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【送禮】滿分好評驅蚊劑!↓

↓旅遊必備!一支驅蚊+防床蝨~↓

↓旅遊必備!一支驅蚊+防床蝨~↓

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

↓透過發佈帖文賺取收入!立即參加!↓