英菲混血藝人徐㴓喬（Asha）擁有標緻面孔，近年參演ViuTV劇集演技備受讚賞，原來她演戲好之餘，心地都好好。Asha近日報喜成功領養一隻貓咪，並首次公開合照。原來Asha過往經常都擔當暫托家庭，先後為27隻貓咪帶來短時期的照顧，相當有愛心。
同場加映：中年好聲音2丨古淖文認半紅不黑浮沉15年欠運 學習謙卑求進：當年贏冠軍一定囂
Asha在IG開心分享，她領養新貓咪叫「巴巴」，她留言說：「同大家介紹我人生多咗個男人：巴巴！養咗佢個零月，趁今日第一次同佢開工，經理人幫我同佢影返第一張正式嘅合照。係Lifelong Animal Protection領養，大約八至十歲（佢前主人因為移民唔帶埋佢走，選擇遺棄）明明佢人見人愛，超級乖超癡人！希望考慮緊領養寵物嘅你，可以考慮吓領養成年貓貓狗狗。因為佢哋除咗好值得被愛之外，通常佢哋嘅性格比較穩重，唔會成日跳嚟跳去，好chill～比起養『後生嘅、bb嘅』冇咁容易勞氣、唔使管教咁多。最後嗰張，係佢今日收工後嘅狀態⋯⋯辛苦晒啦！ps. 佢全名係『大巴士』，係慈善機構改嘅～因為身型佔嘅空間都比較多，又幾似《龍貓Totoro》入面個貓巴士⋯⋯嘿嘿！」可愛的巴巴陪媽媽完成工作後，在梳化瞓到死豬一樣，非常可愛。不少網友留言大讚她的想法非常正確，希望可以感染更多人領養成年貓狗，以免他們被遺棄後繼續無家可歸。
其實過往Asha IG都不乏有貓咪的出現，原來她是義工暫托家庭，讓弱小的貓BB獲得適切照顧，直至情況穩定就可以送去機構讓有緣人領養。她留言說：「最近同緊最新嘅暫托『少爺仔』玩緊嘅時候，數數吓發現佢已經係我第27隻foster （暫托）bb。（未計由細到大自己養過嘅貓⋯⋯加加埋埋就有過30+ 隻）原來咁多年嚟嘅成長階段，人生高高低低都總有貓嘅陪伴，好多事情、身邊嘅朋友同伴侶、心態都有改變，但我對貓嘅情有獨鍾絕對係永恆不變。仲有好多嘢需要學習，同自己講要繼續努力邁向crazy cat lady嘅status！小小分享～希望大家支持領養代替購買，請珍惜同尊重所有生命。」
」，
App內睇文同睇片可隨時捕捉U Fun彩蛋，
換領現金券及禮品！
↓【免費試用】PHYSIOGEL全新面膜！✨↓
↓ 逆齡秘方㊙️! 實證即時提升肌膚彈性 ↓
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
