港男茶餐廳食下午茶懷疑出錯單!無故計多$1?網民:四捨五入煎蛋要20%服務費

文: 梁穎心
2024.04.12

加一服務費文化在香港飲食界愈趨普遍,除了高級餐廳和咖啡店,連連鎖茶餐廳、街坊食堂、小型餐廳商戶都會收加一,就連QR Code下單的餐廳亦如是。日前有網民在茶餐廳用膳,埋單前發現比餐牌價錢多$1,一問之下原來是額外加購的煎蛋被收服務費。

日前,有網民在連登討論區以「呢d 飲食生態係咪香港獨有」為題發文,分享自己在茶餐廳用餐被收加一服務費的經歷。樓主睇單時發現帳單有誤,牛腩麵($41)加煎蛋($5)總數收$47,便向店員查詢。

根據帖文內容,他在金鳳大餐廳食下午茶,結帳時發現收餐牌收費多$1,於是與收銀了解情況。原來該茶餐廳設有加一服務費,「佢答我,下午茶唔洗加一,但我加果隻蛋要加一」,所以只有額外加配的煎蛋($5)要計算加一服務費,即多收$0.5。

餐廳可能採上捨入法(Round up)或四捨五入計算,所以按零差額再加收$0.5,即取齊頭收多$1。樓主表示「利申先,果一蚊真係唔算啲咩,只係真係好好奇呢個生態點解可以咁崎形。」

有網民直言「好谷氣」,無故被加收錢,亦有人替樓主不忿,煎蛋加一後等同被收20%服務費、「第一次見找零差距收費」、「其實點解要收足一蚊, 果五毫子有咩grounds收多」、「收費項目越黎越新奇」、「下次係咪個飯唔加一,另加飲品加一」。

從樓主分享的圖片可見有2張不同的單據,有網民質疑,為何第一張單只顯示總數,第二張單則有詳細列明服務費及找零差額,批評「只睇客張單根本唔啱數,點會咁都得。」

有網民問樓主餐牌有沒有列明要加一,樓主回覆「淨係問加隻蛋要加幾多,落單果個就咁答冇記錯要$5。」一元之差其實不多,相信消費者未必因而報海關,只是難免會有食客認為收費巧立名目,影響消費意慾。

來源:連登討論區、《油麻地莎士比亞》MV截圖、《愛回家》截圖

同場加映:【衝出嚟玩】最新影片

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【社群送禮】送ZAO深層倍潤護膚套裝!↓

↓為肌膚注入保濕力量↓

↓為肌膚注入保濕力量↓

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

↓透過發佈帖文賺取收入!立即參加!↓