張致恒屋企截電網上籌旗又成功過骨 雯雯:唔介意你話我乞兒

文: 余美鳳
2024.04.16

張致恒(Steven)一家長期活喺貧窮線下,冇錢開飯同網上行乞都已經唔再係新聞,不過張氏嘅手法層出不窮,昨日雯雯網上鬧Steven累到屋企被cut電,睇嚟又有善長人翁要破財喇!果然不足幾個鐘,Steven就分享QR CODE叫大家捐錢,今日一如所料就出文多謝「有心人」,世界真好!

同場加映:中年好聲音2丨顏米羔離婚投資失利陷中年迷失 認任性放手一搏:為媽媽爭番啖氣

Steven同雯雯前日一同出post,突然澄清大仔天寶冇自閉症,不過係雯雯二月尾時自爆「再有一個小朋友確診autism plus hyperactivity」,因此,雯雯當時係講緊另外幾個仔仔有病定係講人哋嘅小朋友有病,就真係不得而知。而雯雯今日又出IG Story,怨氣極大:「要發生嘅終於都發生,你終於都令到屋企發生畀人cut電,完全已經唔係可以容忍嘅範圍之內。小朋友又冇得煮嘢食,又冇熱水沖奶,不停喊,你想我點?」

張致恒大仔生日前家傭暖心到賀 首曬全家福:唔好似我一事無成

傍晚時,Steven終於出手,同老婆一唱一和,再次POST出QR CODE叫大家捐錢、捐錢、捐錢:「已經諗去到諗唔到辦法,十個鐘頭,求助。」似乎Steven同太太都得到過熱心網民嘅協助,「食髓知味」,而雯雯就稱電話已經冇電,跟住劇本走,冇晒聲氣。

不少網友預計兩人下一個Post就會多謝「有心人」,一如所料,雯雯今早又發聲:「多謝真正有心嘅所有人!多謝真正幫過我哋嘅人!尋晚零晨已經一切安好,我唔介意你話我乞兒,我相信冇人會想行到呢步,但經歷完尋日十幾小時,小朋友不幸發燒+嘔,我已經得到我應得嘅教訓。我唔係工作都冇錢,而係啱啱起步,未足一個月,所以而家仲係零。多謝真正關心我哋嘅人,亦多謝鬧我哋嘅人,發生嘅我已經有足夠嘅懲罰。」

Steven本來上月曾post出QRcode行乞,指自己今個月就可以解決到財困,情況會好轉,而佢月頭嘅時候都曾經post出自己有工開嘅story,短暫露出一線曙光,但不出網民所料,唔夠半個月又被雯雯爆出屋企被截電。

根據中電資料,逾期電費會徵收5%的附加費。在個別情況下,拖欠電費可導致電力暫時停止供應。而如中電有計劃停電,或者因為客戶遲交電費,而要截電,公司必定會先有書面通知,再以電話直接和受影響客戶聯絡,換言之張氏喺多次被追數下仍未有繳清電費,先會出現如此窘局。

 

 

不過今次網民就一啲都唔同情佢夫婦,更責雯雯完全推卸責任:「講到自己完全無責任,無錢就咪生4個啦,定係預咗男人養,咁當初就唔好搞人份工,而家真係自作孽。」又有網民覺得佢再推小朋友出嚟博同情:「又搵小朋友出嚟情緒勒索。」、「一定又有人捐錢,覺得係大人責任,小朋友無辜。」亦有人突破盲點話雯雯仲出到post:「電話仲叉到電。」、「即係電話有得叉電。」、「電話唔cut得,生財工具嚟」、「之前仲有錢去迪士尼,搭車食飯都要錢呀。」

圖片來源:Instagram

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】Cetaphil舒特膚清爽無油保濕水感啫喱!↓

↓ 舒緩乾燥、繃緊和粗糙等缺水症狀!/ 能即時被肌膚吸收!↓

↓ 舒緩乾燥、繃緊和粗糙等缺水症狀!/ 能即時被肌膚吸收!↓

↓【社群送禮】送ZAO深層倍潤護膚套裝!↓

↓為肌膚注入保濕力量↓

↓為肌膚注入保濕力量↓