住宅租金持續高企，令許多不合資格排公屋的基層市民只能選擇住劏房，最近一名港男苦訴打算租劏房，然而租金卻高得不合理，當中環境差劣的都月租4、5000元，稍為「正常」的月租亦要7、8000元，慨嘆為了一個床位就要花費一半薪水，令人灰心絕望。
同場加映：
管家王｜8成裝修工程超預算 裝修費隨時變雙倍 提防施工初期6大超支伏位
該網民在「連登」討論區以「最近睇屋睇到好絕望」為題發文，指最近四出睇租盤，但受預算所限只能向劏房埋手，但租金稍為較便宜的環境都較差，更狠批不少單位的裝修品味令人慘不忍睹，「啲劏房勁惡劣勁嘔心都租四五千，唔X明點解廚廁以外會出現階磚牆同假天花，啲業主究竟乜X嘢品味？」
他續指，質素稍為較好的劏房月租都要7、8000元，然而水電戶口為業主名下，當中有部分不良業主收取政府補貼後，還會繼續多收租客水電費，變相每個月需繳1萬元租金，但實際上加多1、2000元就可以「整租」（租整個單位），形容以近萬元租劏房相當「不智」，然而自己一個人用萬多元「整租」又顯得太奢侈，認為在租屋方面「冇合理選項」，慨嘆「為個爛X床位奉獻一半人工」。
以買飯比喻租樓 嘆「無資格食兩餸飯」
事主又以買飯作比喻，指出自己的處境，「食個沙嗲牛麵都要$50，跟埋餐就$70，加多少少夠食小菜，食麵又覺得唔抵，跟餐又覺得不智，一個人食小菜又好奢侈；最諷刺係隔離就有抵食夾大件嘅兩餸飯，但我太有錢冇資格食嗰啲兩餸飯，而望住沙嗲牛麵個餐牌又真係揀唔落手。」其入息超額未獲資格排公屋，但經濟能力有限但只能租住面積細小的劏房，然而環境差、租金高得不合理，令人感到心灰：
「覺得個社會根本懲罰緊啲努力生活嘅人，係咪應該搵份最低工資，正正經經排吓公屋好X過。」
網民：單人租樓真係好地獄
帖文引起網民共鳴，有人直指香港住屋問題嚴重，公屋供不應求之餘又要面對高昂租金，「為咗生存，而唔係生活」、「唔係讀搵食專科剛畢業搵得萬幾數得啲垃圾地方住」；亦有人勸事主繼續與父母同住以節省使費，或者找朋友夾租。另一方面，也有網民指出較偏遠的新界屋苑租金相對較便宜，而村屋月租也不過是幾千元，但居住環境遠比市區劏房好，「租村屋5至6千已經有400呎有房有廚有廁有廳，如果因為搭多半個鐘車就寧願住又舊又細又雜嘅劏房，我寧願要居住質素。 」
」，
App內睇文同睇片可隨時捕捉U Fun彩蛋，
換領現金券及禮品！
↓【送機票✈️】分享旅行靚相 贏免費機票↓
↓ 請您免費飛轉日／韓／泰！↓
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
