TVB劇集《逆天奇案2》昨晚（16日）一集，相隔26年再拍無綫劇的梁小冰終於登場。劇情講述升職在即的莫Sir（李國麟飾）帶隊執行任務期間，在廟街重遇變得落泊又蒼老的「舊情人」阿蘭（梁小冰飾）。今次1990年港姐季軍梁小冰相隔26年再拍無綫劇，更以驚喜老妝代入角色，激減16磅極大犧牲！
最新劇情講原來莫Sir當年曾擔任臥底，並於潛伏期間認識黑幫頭目侯世秋（彭廸安飾）妹妹侯淑娟，更不自禁對淑娟情愫暗生；之後莫Sir因受上司威逼，無奈下利用淑娟對自己的感情套取情報，雖成功瓦解黑幫，卻同時毀了淑娟一生；自暴自棄的淑娟最終因犯事在外地受了30年牢獄之災，重獲新生後改名阿蘭並於廟街擺檔，可惜卻受到其他檔主及黑幫欺凌，原本已萬分自責的莫Sir見狀更覺心痛，遂喬裝前往與阿娟見面，可惜卻搞出另一大頭佛…
梁小冰在劇中飾演的阿蘭因歷盡不幸，令樣子看上去比真實年紀大很多，40多歲的年紀不但已滿頭白髮，同時亦滿面皺紋，比起現實中已年屆54歲的靚靚小冰樣子更要老一截，令網民大嘆造型有驚喜！小冰受訪時亦坦言自己之所以一口答應監製邀請演出，全因角度夠晒高難度。
梁小冰透露：「唔經唔覺都主演咗50幾部作品，作為演員梗係想所有角色都演吓，呢個角色好有挑戰性，大家都會諗我會演CEO 高層呢啲角色，呢個角色無論遭遇同造型都夠晒估唔到。」小冰續指今次拍攝最開心是重遇多年老友：「監製、導演、攝影師同造型師全部起碼識咗30年，我覺得呢個團隊超晒班！」
談到老妝上妝過程，梁小冰笑言不足半小時便完成：「化靚妝就要個半鐘，化醜妝只需半個鐘，因為化妝師好犀利，佢哋擺咗半打架生喺枱，一嚟就不停係咁噴，之後再逐條逐條將頭髮畫白，最緊要係夠大刀闊斧。」
梁小冰續指由於監製想於劇集播出前盡量保密「老妝」造型，故小冰為了配合保密也花了不少心力：「好似我化咗妝後有好多演員要求合照，我都要諗好多原因去拒絕，因為唔想曝光個妝，造型一曝咗光就會令到觀眾冇晒驚喜。」梁小冰又笑言是次拍劇有不少難忘事：「喺廟街嗰度拍攝，因為又要搬嘢又盛，係熱到由頭濕到落腳，同埋嗰度棵樹啲雀屎係不斷跌落嚟！」
梁小冰又大爆為了角色刻意減磅：「我喺2023年1月最高峰（體重）係132磅，其實我本身都想減肥嘅，點知家豪哥同志江打電話嚟邀請我，令我更加有動力去減。拍攝嗰陣我減到116磅左右，我依家就已經減到104磅，簡直係重生一樣！」梁小冰大嘆Baby Fat搞到「襟老唔襟瘦」：「就算我瘦到成條藤咁，塊面都係肥肥地，要去到參選時93磅嗰陣先會睇落係瘦。」
同場加映：【著數慳家王】最新影片
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】美獅鋒味搖滾美食節2024雙人電子門票！↓
↓ 呈獻超過20款特色環球創意料理 / 匯聚多位亞洲人氣歌手！↓
↓【限時搶⚡】卡樂B Jagabee茄汁味波浪薯條！↓
↓ 酸酸甜甜，香脆可口！↓
