茶餐廳逆市出招吸引食客，只需$1就可以加多一碟蝦？最近有港人於「香港討論區」上，分享有茶餐廳推出「1蚊蝦」吸客，消費滿$100即可加$1多一碟蝦，每碟約有7至8隻蝦，全餐有魚有肉有蝦埋單也只需百多元，不禁大讚「咁嘅價錢，冇理由唔食多幾次啦！」許多網友看帖文後紛紛留言，「真係超平」、「好抵食，睇得出，唔係Hea做」，又大讚茶餐廳識做生意，「食店肯救亡，是好事，WIN WIN」。
該名港人以「市道差！茶記救亡！一！蚊！蝦！」為題發文，表示自己上周五（12日）光顧了一間茶餐廳，當時店內正推出「1蚊蝦」優惠，只要消費滿$100，即可加1元加多1碟蝦，而且一碟有7至8隻蝦，肉質新鮮彈牙，「一啲都唔Hea，碟蝦仲有碟辣椒豉油跟㗎」，又大讚茶餐廳比酒樓抵食，「冇茶錢，冇醬芥，冇加一，冇古靈精怪既收費！」
點擊圖片放大
從樓主上傳的照片見到，當日他分別點了盲曹魚豉汁蒸、鹹（魚）蒸肉餅、「1蚊蝦」，還有2個白飯以及1碗例湯，全餐埋單也只需$136，非常抵食！隨後樓主補充道，指以上價錢不包括特飲，當日他點了檸樂煲（薑）以及檸檬利賓納，最後只是加多幾元，又表示該餐廳星期一至日每晚9時後都可以享有全單8折優惠（該優惠無法與「1蚊蝦」一併使用），讓他不禁在文中大讚「咁嘅價錢，冇理由唔食多幾次啦！」
帖文曝光後，不少網友都留言表示「一蚊抵呀」、「茶餐廳有魚蝦吃真係罕有」、「雖然係茶記，出品都非常高喎」，紛紛詢問該餐廳的地址，「邊度咁抵食呀」、「請問喺邊樹？好店要幫幫」。亦有人大讚茶餐廳懂變通、識做生意，「呢啲咪醒目囉，香港人救香港市」、「好可能遲d搞一蚊雞，懂得變通乃生存之道」、「食店肯救亡，是好事，WIN WIN」。
來源：香港討論區
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】位元堂凍乾水果脆套裝！↓
↓ 冷凍乾燥技術鎖住濃濃果香！/ 保留營養素及豐富膳食纖維！↓
↓【必收藏】最新深圳食買玩攻略！↓
↓ 大灣區一小時生活圈！最新打卡熱點／熱門美食等！↓
