麥明詩公開盛勁為開工「秘密」通道 網民長知識：原來機師用腳上飛機
麥明詩上月同老公盛勁為舉行咗三場婚禮，雖然兩公婆攰到冇譜，不過就令到所有親友都好盡興，非常圓滿。唔少人都關心二人幾時去旅行，終於尋日麥明詩分享佢哋去「工作蜜月」喇。
同場加映：中年好聲音2丨顏米羔離婚投資失利陷中年迷失 認任性放手一搏：為媽媽爭番啖氣
麥明詩尋日分享老公以機師身份上飛機嘅片段，留言：「I never thought about how crew got on the plane……they just existed.（見到機組人員出現喺飛機，從來冇諗過佢哋點上機。）」片中見到一個好接近駕駛艙嘅位置直接有樓梯接駁到地面，盛勁為同機組人員搭專車到達，一行人就直接喺其他人未上機之前，喺呢個特別通道登機。盛勁為仲鬼馬咁同未上機嘅麥明詩揮手，非常可愛。
盛勁為搞鬼回應老婆影片：「原來機師係咁上飛機。」唔少網民都覺得「長知識」，睇到平時睇唔到嘅嘢：「我都係啱啱先知機師係用腳行上飛機。amazing！」又有人表示戥麥明詩高興，可以有平機票出埠，其實麥明詩之前都有提過，有咗家屬優惠次後就可以兩家人一齊去旅行，非常窩心。
唔少人都話睇佢哋放閃睇得好舒服：「So sweet！」、「呢種感覺好得意呀！」、「妳就好啦，嫁了這位好丈夫、疼愛妳，又好笑容，好樣貌又年輕！」被問到係咪去度蜜月，麥明詩就反問：「如果另一半要做嘢仲算唔算度蜜月？」不過二人咁甜蜜，就算喺香港都日日度蜜月啦！
圖片來源：Instagram
港生活人氣本地熱話
【限時登記領取🎁】韓國No.1人氣保濕產品！
WELLAGE超強爆水珠珠💧 x 防曬新品🌞
↓【限時搶⚡】勁送Neoflam不鏽鋼食物保鮮盒↓
↓密封防漏及分隔式設計｜耐用又環保 ↓
