屯門「無品刀削麵」早前因為$2學生優惠以及店主態度，「一舉成名」成為全城焦點。最近有網絡Youtuber/KOL就應部分觀眾要求，特意飛的踩入屯門，前往餐廳舉機直播自己食刀削麵並讚好食，期間未有被店主阻止，及後又指店主態度「幾好喎」，遭網民鬧「係咪收咗錢」，片主及後拍片解釋否認。
屯門「無品刀削麵」早前與顧客大爆衝突，成為全港熱門話題之一，引來各界加入討論之餘，更有YouTuber推出二次創作惡搞歌曲，嘲諷餐廳因為態度問題引發的一連串風波。打鐵趁熱，日前再有Youtuber膽粗粗踩入屯門，直播自己去涉事餐廳試食刀削麵，但惹來不少網民負評，更有部分人質疑「收咗錢做嘢」變打手洗白。
今次前往屯門試食刀削麵的Youtuber/KOL「邦X哥哥」，目前Youtube有近6000訂閱，Facebook則有3.2萬名追蹤者，不時就社會熱話拍攝各類主題影片，日前發生屯門刀削麵事件後曾一度（15日）前往餐廳直擊情況，惟影片均在外拍攝並未有進入店內，及後應允觀眾承諾「下次做直播試食」，繼而於昨晚（17日）收工後再次前往餐廳。
片主進入餐廳前曾指會嘗試「影吓佢地會唔會招呼我」、「老闆會唔會接受我訪問」，但亦擔心未必允許其在店內進行拍攝，但亦順利進行試食及直播。
▼直播情況▼
然而直播出街後引有不少網民不滿，留言指直播主「收咗錢做嘢，明顯地幫冇品刀削面洗白」、「未坐低已經話人有禮貌，又猛咁話啲麵好食，收咗人禮幫人洗白呀」；亦人覺得「根本就吾係話好唔好食嘅問題，係態度嘅問題」、「片主做咩畀錢佢地賺」？並引來不少網民在各大社交平台討論。
該直播主後來拍片回應網民「收錢做嘢」疑問，否認自己有收錢，笑言「梗係唔係啦我仲要畀的士錢添阿，畀咗200幾蚊的士，特登由尖沙咀帶我去屯門阿」！
及後他再評價餐廳，認為當日老闆態度（戴眼鏡）「其實OK嘅」、「唔係話咁惡劣」，但重申自己非屯門街坊，以前態度如何「真係唔知」，但相信老闆經過今次事件「應該都會改善佢啲服務態度㗎喇」。
▼拍片否認收錢+食後感▼
不過，都有向來捧場的觀眾留言，表示相信他沒有收錢，又覺得「人哋都係為咗自己嘅人身安全着想啫」。直播主及後亦在留言指「我都係（拍片）找數，唔係去搞事」。
資料及圖片來源：連登討論區、Facebook@香港突發事故報料區及討論區、Facebook@邦邦哥哥
」，
App內睇文同睇片可隨時捕捉U Fun彩蛋，
換領現金券及禮品！
【快閃送⚡】200張便利店現金券！
↓立即登記領取 ↓
↓【限時搶⚡】卡樂B粟一燒熱浪香辣味！↓
↓ 粟一燒結合熱浪，香辣惹味！↓
