現年35歲的前港姐季軍朱千雪（Tracy）2019年同青梅竹馬嘅男友結婚，今年元旦終於宣布造人成功！就快到預產期嘅佢都冇停落嚟，仲keep住工作，日前佢就被學生post出近照，雖然唔同晒樣但就依然容光煥發！
同場加映： 娛樂 • 中年好聲音2丨顏米羔離婚投資失利陷中年迷失 認任性放手一搏：為媽媽爭番啖氣
Tracy2017年開始慢慢淡出大銀幕並不斷進修，後來更正式轉行成執業大律師。除了擔任大律師之外，朱千雪更重返母校香港中文大學，兼任新聞與傳播學院的選修科目「公共關係專題」講師。日前有學生於社交平台大曬與Tracy合照，並發文：「這就一個學期啦！感謝我最愛的老師❤️剛聽說朱千雪的時候還是個初中生，然後她演員轉型成為了律師，兜兜轉轉居然成為了我的老師，我真的好愛這個這麼優秀的女人！」
學生又偷拍Tracy教書時的模樣，指佢相當認真，又表示朱千雪即使身兼多職並有孕在身都冇影響教學表現：「一想到她又要拍攝又要備課又要上課又要上庭，而且這些事情還是懷着寶寶做的啊，如此的工作量讓我覺得她到底是不是有一天48個小時。上課的時候講的法律和公關也好認真好專業，每次問問題都是笑容燦爛的回我們，最後一課明明趕時間去meeting還跟我們全班一個個拍照，這段時間上她的課都是幸福的時光，入股不虧！追起來！」
相中Tracy畀學生攬住，仲keep住招牌燦爛笑容，非常甜美。不過Tracy面部特徵明顯大變，非常浮腫之餘鼻都大埋，同胡杏兒佗b時情形相似，唔少網民都估佢佗仔：「老一輩講佗仔個鼻會變大。」、「佗男仔個荷爾蒙唔同。」大家都好期待佢bb遺傳到Tracy又靚又叻嘅優良基因！
圖片來源：Instagram
」，
App內睇文同睇片可隨時捕捉U Fun彩蛋，
換領現金券及禮品！
↓【送機票✈️】分享旅行靚相 贏免費機票↓
↓ 請您免費飛轉日／韓／泰！↓
↓【出Post賺現金賞】《社群》助您發展創作者事業↓
↓透過發佈帖文賺取收入！立即參加！↓
