愛回家丨林鈺洧正式入劇組開工刨劇本 自爆地獄式激減12kg靠一方法去腫

文: 余美鳳
2024.04.20

《2022香港小姐競選》冠軍林鈺洧早前被爆成為《愛回家之開心速遞》的「換血」新班底之一,由於主要角色「熊心如」蘇韻姿及「龍力士」鄭世豪都分別離巢TVB,將在劇情中正式消失。而林鈺洧冷手執個熱煎堆,預告將會加盟《愛回家》劇組,近日不同演員的IG都已經陸續見到林鈺洧的蹤影,相信已經正式投入拍攝工作。

同場加映:中年好聲音2丨顏米羔離婚投資失利陷中年迷失 認任性放手一搏:為媽媽爭番啖氣

林鈺洧近日正式加入《愛回家之開心速遞》劇組,一如預告她穿上接龍的初戀Cafe制服,成為佳叔(鍾志光飾)的夥計,見她跟「熊若水」呂慧儀、「David姐」湯盈盈、「豪仔」李泳豪、「英進」招浩明及「Elaine」李芷晴等人IG合照,背景正是初戀Cafe,似乎已經投入拍攝。而近日她被同劇演員「野生捕獲」在錄影廠入面黑麻麻瑟縮一角,披住棉被努力「刨」劇本,非常用心勤力。

 

 

林鈺洧早前接受《玲玲友情報》訪問時都有提到自己好恨演戲,不斷向經理人求角色,她說:「我真係演咩都得,你要我做條屍我都肯呀,或者行行企企都可以呀!如果挑戰一下,我都想演奸角,睇下自己可以有幾衰。」她曾經在紐約讀過舞台劇課程,希望可以學以致用。而她在節目中提到自己的減肥刻苦經歷和愛心捐獻等,都令觀眾們對她另眼相看。她說:「我選美嗰陣減咗10至12公斤,焗桑拿我覺得對於去水腫好有幫助,出鏡前一日去焗,啲JAW-LINE都會出晒嚟,眼都冇咁浮腫。而且我會戒澱粉質,澱粉質我一食就發水,所以轉食雞胸同蛋白質食物,烚青菜加上行168斷食,我連續3個月都係8點後唔食嘢,加埋做運動就成功減到。」林鈺洧指自己成為奪冠,最終贏得到的所有獎金,她全部捐到慈善機構,令在場主持人都嘩聲四起,她說:「幾多我唔方便講,但就兌現到對自己嘅承諾。」她希望未來每年都助養一名小朋友。

 

 

 

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

【搶先送❗】Rollink可摺疊行李箱🧳!

↓ 全球最薄!免費成為全港首批用家 ↓

↓ 全球最薄!免費成為全港首批用家 ↓

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

↓透過發佈帖文賺取收入!立即參加!↓