中年好聲音2丨譚輝智亞軍未滿月率先接拍廣告 靚老婆探班：佢想入鏡但又怕醜

同場加映：打天下2│AK即學即打動作比上輯華麗 Tiger武術底子身手獲導演讚賞

輝智在比賽過程中除了唱歌出色外，後期更開始放鬆表現出自我性格，原來私底下的他非常幽默有趣，所以狂吸粉絲，令他成為《中年好聲音2》的人氣王，更被封為「師奶殺手」，𠱁得女粉絲非常開心。輝智近日率先跑出接拍健康產品廣告，太太更全程陪伴左右，他接受訪問時被問太太在場會否特別安心，他起初答：「其實都安心嘅，本人我都自己出去拍嘢呀啦...」身旁的主持潘盈慧笑指輝智不應該這樣答，應該說好話𠱁身邊的太太，輝智望一望太太，立即轉口風：「哦，你鍾意呢隻呀？咁梗係想佢喺度，我都安心啲啦！」非常搞笑！至於今次酬勞是否奉獻給太太，輝智說：「不嬲咩都畀晒佢呀啦，佢會話：『你試吓唔畀吖！』」

• 中年好聲音2丨拉姑捧足兩晚場心心眼親自送禮 譚輝智受寵若驚：唔好咁快變心

+8

+7

點擊圖片放大

昨晚，輝智為「輕鬆啲」頻道開直播，好友劉威煌留言：「拍廣告喎死仔！」隨後他跟梁浩賢一齊加入直播，劉威煌笑指睇完輝智的廣告探班片段忍不住大笑，他說：「唔知點解係你啲新聞不其然會睇晒，其他報道都未必睇晒，期待你有咩會錯同甩漏。我睇晒條片，你老婆係勁假，扮擰蓋嗰吓。」輝智笑言：「其實我叫佢出鏡嘅，但死唔肯出，佢揸住盒嘢又唔郁喎，佢直頭『Hold機』咁，佢其實可以扮玩電話，因為個蓋佢開唔到，要扮晒睇...其實佢知拍緊佢，佢係少少想入鏡但又有少少怕醜。」劉威煌表示譚太要開始習慣鏡頭，「真係好搞笑，其實係正，你哋先有呢種感覺，因為我哋太耐已經知鏡頭前要做啲咩，（我哋）咁樣反而唔太好。」

另外，輝智表示自己在紅館為《第九屆全港運動會開幕典禮》表演，跟支嚳儀合唱《世間始終你好》一曲，由於心情太緊張，所有唱歌開口就先搶拍出錯，直認：「非常失禮！」對於今次的演出，他形容來得快走得快，未有時間去享受或者感受。