張致恒（Steven）粉絲太太區燕雯（雯雯）近日同網民玩你問我答，唔少網民都關心到佢同原生家庭嘅關係，雯雯就出story一次過回答，自爆同媽媽已經斷絕關係。
同場加映：逆天奇案2｜梁小冰感激老公陳嘉輝寵愛31年 歷父親弟弟離世看透人生：多愛自己
Steven同雯雯2019年奉子成婚，二人四年抱四，財政狀況一日比一日差，近年更定時網上行乞，求「外人」網民伸出援手。雯雯日前開放玩「你問我答」，相信唔少網民都出於好奇問到佢同原生家庭嘅關係，而雯雯都毫無保留打開肚皮畀大家睇。
雯雯以黑底白字出story：「我發現好多人會關心我媽媽有冇幫過我，有，咁多年一定有，但宜（而）家大家嘅關係都只係一個債主同借款人。大家已經斷絕左（咗）關係，所以佢冇必要幫我任何野（嘢），甚至照顧小朋友，大家各自都有大家嘅生活，都冇必要再扯上任何關係，再加上我有（網絡乞丐）呢個稱號。其實都冇必要影響任何人，所以我宜（而）家嘅生活，就只有我的家庭，所以希望大家唔好再問我！」
其實雯雯早年同母親關係正常，當年同Steven成婚時都係由其母親任證婚人，早年雯雯亦提及媽媽有幫手照顧小朋友，不過近年大多數都係自稱獨力照顧。至於Steven亦曾有聲帶流出，聲帶中表示：「阿媽就啱啱返咗荷蘭，搵我老竇攞晒所有生果金畀我，同埋我阿嫲…我阿婆依家情況轉差，佢都話剩番幾百蚊…你會唔會再借多500蚊畀我？」而Steven一班英皇「兄弟姊妹」亦被佢「借盡」，當中阿Sa（蔡卓妍）就疑曾借十萬予Steven，亦當「潑出去嘅水」，只係block晒對方所有嘢。二人搞到「眾叛親離」，真係一啲都唔簡單。
圖片來源：Instagram
」，
App內睇文同睇片可隨時捕捉U Fun彩蛋，
換領現金券及禮品！
【搶先送❗】Rollink可摺疊行李箱🧳！
↓ 全球最薄！免費成為全港首批用家 ↓
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
