李日朗前度黃靜藍公開新戀情 分手三個月曬才俊男友擁飲食王國

同場加映： 娛樂 • 逆天奇案2｜梁小冰感激老公陳嘉輝寵愛31年 歷父親弟弟離世看透人生：多愛自己

李日朗舊愛黃靜藍上月踏入29歲，昨日佢post出連日嚟朋友為佢慶生嘅照片，留言：「每逢四月都好開心，多謝大家俾咗好多個願望我，超級多謝，超級驚喜。對大家既愛不分先後🙏🏻🙏🏻所以我根據生日嘅慶祝次序放好每張相，放住10個蛋糕先。」

其中一張相黃靜藍雙手捉住身旁嘅男子，而男子亦摟實黃靜藍，頭貼頭合照，二人都笑得好燦爛。有人留言提到自己唔知佢同李日朗已經分手，黃靜藍亦有大方回應：「已經分開咗一段日子。」據知，黃靜藍新歡Wilson來頭唔惹少，除咗後生靚仔之外，仲事業有成！2015年喺英國倫敦國王學院完成法學學士學位之後，就成立佢第一間印刷公司，之後再陸續創立咗三間公司，現時更係餐飲集團執行董事，坐擁飲食王國。

其實黃靜藍早喺今年二月已經曬出同Wilson同遊紐西蘭嘅相，Wilson除咗有樣有事業，仲係一個「全能型」男友，早前與黃靜藍同遊韓國時就被女友加許，黃靜藍留言：「喺呢度想講一個好感人嘅故事，話說我問Wilson有咩景點好想去，佢話一定要去呢個圖書館。心諗……佢應該好鍾意睇書，點知一去到，佢就話因為好多人喺度打卡，所以佢估我應該想去打下卡。我呆左一下，然後我想講，謝謝你。」Wilson仲幫佢瘋狂以男友角度影靚相，咁全方位嘅筍盤，認真難得一見！

+23

+22

點擊圖片放大

黃靜藍2018年因為試鏡Don執導嘅電影而認識對方，李日朗在曾公開大讚黃靜藍性格開朗，更直言視對方為結婚對象，不過李日朗當時因為被女友人騙財逾300萬，所以表示要努力工作賺錢先可以娶黃靜藍。然而上年11月黃靜藍表示已經與Don結束5年情，被分手嘅Don表示會尊重對方的決定：「暫時是分手，大家在不同階段有所學習、冷靜和思考，將來的事不知道，現在畀大家想清楚，將來同誰一齊也好，可以走更遠。大家都沉澱緊，我諗每一段感情喺唔同嘅時間都係需要學習，同埋清晰自己想要啲咩，咁所以我哋都會好好地加油。」被問到是否和平分手，Don笑言：「我都未知，我自己都搵緊答案。我諗我哋都攞咗個共識嘅。」追問分手原因？他說：「可能溝通上需要磨合，我年紀比佢大好多，但未必夠成熟，可以做得更好。」

圖片來源：Instagram