《香港婚後事》邀請到嘉賓吳若希（Jinny）做嘉賓，主持們形容Jinny屬於敢言的女性代表，她說：「我會將好多人擺喺心裏面唔敢講嘅嘢，全部講晒出嚟。」提到她不時網上「公審」老公，Jinny解釋：「好多人覺得家醜不可外揚，但我唔係，唔啱嘅嘢我講咗好多次，而你都係唔聽嘅時候，我教唔到，咁就由出面嘅人教你，我係咁嘅心態。
同場加映：母親節快樂丨陳樂榣兩孩之母緊張大師學識放手 Aria複製媽媽性格 鬧女最心痛？
Jinny笑言老公沒有因此投訴，皆因「佢知道佢講咗都冇用」，她續指這套方法不是每個人都適合，要視乎另一半的性格，黎諾懿明言：「我自己唔得，如果老婆將家事擺上網，我會好嬲。」問到會否擔心被指女權至上？Jinny笑言：「唔介意，冇所謂啦，幾好吖，咁樣我可以幫到老公擋好多嘢，佢唔想去嗰啲局，佢就會話我老婆唔畀！」 Jinny 指與老公瘋狂鬥嘴是兩人的相處方式，坦言試過鬧到動真火，機智的Jinny老公會即時推子女做「擋箭牌」，她說：「佢知道我好嬲，就會推小朋友過去啜媽咪，我見到好得意就會忍唔住啜啖先，咁就唔會再嬲。」
Jinny續說：「之前我去內地拍咗半年《香港人在北京》，嗰段時間佢發現冇咗老婆，好似人生冇咗一忽 咁，自己要處理好多嘢，終於體諒到老婆嘅辛苦。」Jinny 又謂覺得《香港人在北京》挽救了自己與老公的婚姻。問到會否覺得自己太早婚，Jinny竟然說：「其實自己一個更開心。」
節目中，Jinny分享了一宗「女方出軌」真人真事，有女事主為了報復老公出軌，竟與老公的好友搭上，後來更發現「外面世界很大」，相當「花生」。但對於出軌話題，陳自瑤（Yoyo）亦有感而發謂：「男人又好，女人又好，出軌可能只係一時衝動，就係為咗一刻嘅歡愉做錯事，無論做咩事都好，最緊要唔好為咗一時一刻嘅 衝動、快樂，毀咗成個家庭，代價好大。」隨後被問到「可以重新再揀，選擇單身定係結婚」，Yoyo竟然答「單身」，實在耐人尋味。
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】美獅鋒味搖滾美食節2024雙人電子門票！↓
↓ 呈獻超過20款特色環球創意料理 / 匯聚多位亞洲人氣歌手！↓
【社群送禮】送您麒麟一番搾啤酒及「秋日和楓禮品套裝」！
↓感受浪漫氣氛，為秋日留下歡聚回憶！↓
