《中年好聲音2》參賽者譚輝智、劉威煌、顏米羔、王嘉明、甘永傑、梁思傑、梁浩賢和節目導演潘文龍（龍導）成立YouTube Channel「輕鬆啲」，逢星期四都有開節目與網友傾偈唱歌交流。日前一集，幾位成員都越來越放，譚輝智鏡頭前露底，而梁思傑真情流露，細談自己初初入行做保單的辛酸史，跟他認識多年的劉威煌更自認在思傑最艱苦的時候，竟然不知他的情況就問對方借錢。
同場加映：逆天奇案2｜梁小冰感激老公陳嘉輝寵愛31年 歷父親弟弟離世看透人生：多愛自己
其實今集直播前，「輕鬆啲」FB專頁已經分享他們多位成員的近照，由於譚輝智、劉威煌、梁浩賢等都不約而同飛泰國旅行，梁思傑則飛法國公幹，其他成員都有工作在身沒機會風流快活，只好出賣他們的「黑圖」放上網。其中譚輝智的瞓覺相瞓到非常冧，而思傑為怕小偷狂攬住名牌「戰利品」，非常搞笑。不少網友都笑「人氣王」輝智的「黑圖」相當可愛，難怪他在節目中都越來越放，當晚直播期間被讚「瘦咗」，即時興奮掀起上衣，露出底褲邊，「零偶包」的舉動都震驚網友們。
今集主角是從事保險業的梁思傑，兄弟們都追問他入行的經過，參加《中年好聲音2》之前，梁思傑已經跟顏米羔和劉威煌認識，其中跟威煌更是由12、3歲已經認識，感情多年來都非常要好。思傑自爆初初入行做保險，還記得首個月人工只有$312.6，「當時屋企有經濟需要，阿爸好早就走咗，見到份糧開始唔對路，一出社會就要畀家用屋企，我頭一年時間，接近第12個月先過到1萬蚊月薪。我要畀家用我阿媽，連我阿媽到而家都唔知，我用信用卡透支幾千蚊畀阿媽。」其實沒有客見，有時候為怕媽媽擔心，思傑情願在公園坐。「唔止一次喺公園度喊，阿媽當然唔知啦，生意唔夠冇錢去信用卡撳番錢畀佢，維持一段時間，要還錢還債。有次試過糧又未出，要賣張八達通換番現金去食飯先，經歷過呢啲日子，頭三年都辛苦。」見思傑坦白分享，劉威煌都自爆一個小秘密，他說：「佢好後期先講呢啲畀我知，當時我乜都唔知，我無知到直情問番佢借錢，當時我做印刷Sales，Sales幸好有底薪但好少，當時我問佢借錢，佢照借畀我。佢表面話畀我知撈得好掂，我真係唔知，我好唔好意思，呢個對我嚟講係一個恩，幫我捱過咗半年時間，最癲係後尾先話我知原來佢係碌信用卡借畀我。」幾位兄弟都大讚這是真正的兄弟情，網友們都大讚非常感動，沒想到平時愛胡鬧的幾位男士都有感性的一面。
」，
App內睇文同睇片可隨時捕捉U Fun彩蛋，
換領現金券及禮品！
↓ 《社群狂歡大激賞》玩盡2024！↓
↓送主題樂園丶室內遊樂場門票及人氣系列袋款等！↓
《社群狂歡大激賞》！送hellolulu最新系列袋款🎁！
