《東張西望》不時從落選港姐揀新血，成為「東張女神」接班人。過往女主持獲封為「女神」，正是因她們不怕死為個案伸張正義，備受表揚。落選港姐鄧凱文（Eris）雖獲安排主力採訪娛樂新聞，不需採訪曱甴屋或者恐怖個案，但她每次表現都令藝人尷尬到滴汗，昨晚（5日）播出她訪問阮兆祥及王祖藍時，瘋狂扮可愛，以一己之力將《東張》變兒童節目，又亂用成語，令祖藍忍不住狂寸。
同場加映：Katch The Pop 2024│MIRROR+ERROR與鄭秀妍Jessica同台表演 怕獻醜互相鞭策提升能力
《東張西望》昨日（5日）播出鄧凱文採訪《福祿壽訓練學院》淘汰學員的幕後花絮，她特別配合學院主題，一身格仔校服配孖辮造型，好有誠意。起初鄧凱文訪問李思捷尚算有紋有路，但訪問王祖藍時，23歲的鄧凱文突然一秒變兒童，全程以娃娃音Chok聲做訪問，問的問題亦九唔搭八：「我係孖辮呀，有冇人曳曳先？」
祖藍表示有學員遲到要罰，有學員問「罰咩？邊個罰呀？」鄧凱文無厘頭攬上身：「罰我囉，我係孖辮。」祖藍開始「頂唔順」，更問返鄧凱文轉頭：「你唔好再講啦，冇人到啦你咁樣，你罰乜嘢呀？」鄧凱文扮可愛以cute爆語氣答：「罰抄『我以後唔遲到』100次！」全場立即dead air，無人笑得出，祖藍醒目打圓場兼寸爆女方：「wow wow Hands Up！我以為我睇緊兒童節目呀！」
到訪問阮兆祥時，鄧凱文成功自製尷尬災難現場，問祥師兄是否擔心淘汰學員時，她懶醒問：「會唔會係最後一次同大家『首聚一堂』？」祥師兄聞言滴哂汗，立即糾正女方：「聚首一堂呀！！」此時，祖藍「睇唔過眼」亂入鏡頭，鄧凱文問祖藍點睇，祖藍「語重深長」答：「讀書啦。」令全場大笑！祥師兄「補多腳」向鄧凱文說：「你睇下嗰邊吖，『出口』呀，你喺嗰邊走得㗎啦。」被玩的鄧凱文傻更更笑答：「原來我先係被foul嗰個！哈哈。」
在英國諾定咸大學畢業的鄧凱文，參賽時被視為大熱，最後卻三甲不入。上圍豐滿的她經常在IG派福利，不時分享性感泳照，吸納不少支持者。除了鄧凱文，同屬《東張》新丁的落選港姐陳曉彤早前低胸訪問曾志偉時，懷疑「自編自tag」乘機向總經理獻吻，成功製造話題。
圖片來源：電視截圖、IG
」，
App內睇文同睇片可隨時捕捉U Fun彩蛋，
換領現金券及禮品！
【搶先送❗】Rollink可摺疊行李箱🧳！
↓ 全球最薄！免費成為全港首批用家 ↓
↓【出Post賺現金賞】《社群》助您發展創作者事業↓
↓透過發佈帖文賺取收入！立即參加！↓
