近60歲港男轉行送外賣 日賺呢個數!大讚做步兵3大好處:好過做連鎖快餐店

文: 黃樂恩
2024.05.06

近日有人於本地討論區發文,分享自己年近6旬轉行做外賣「步兵」,短短一日已賺近$2千,月薪高達$3萬,收入大幅增加,並在文中直言「好過d大型連鎖飲食集團多多聲」。帖文曝光後,有網友留言稱羨,「有料到!支持你,自由自在最緊要」,但亦有人質疑樓主誇大收入,「一張單有廿幾蚊咁好?」、「夏天做中暑都似」。

日前,一名年近6旬的港男於香港討論區上發文,分享自己由連鎖快餐店行業轉行做外賣「步兵」的經歷。他表示,以往在連鎖快餐店工作月薪只有$1.4萬,「每月4日例假,平均450蚊日,仲要做成10個鐘,即係平均45蚊個鐘」,令他不禁抱怨該份工作簡直是浪費時間、精力和體力。

最近樓主轉行做外賣「步兵」,他表示這份工作是多勞多得,「好過d大型連鎖飲食集團多多聲」,隨後更上傳了一張照片分享他的收入。從照片可見,他於4月9日預計收入為$1,396.6,另有尚未到帳的配送服務費$29.4、14張訂單$402.81, 以及4張訂單$114.37,當日合計收入為1,913.8,人工相當可觀。

最後,樓主更文中大讚做「外賣仔」的3大好處,「勤力d一日1900不是夢,再者每日本來就應該要行10萬步,搵到錢之餘又當做運動,仲要鐘意幾時休息就休息」。帖文一出,隨即在網上引起關注,許多網友表示羨慕,並紛紛留言詢問「平均一個月行到幾多數」、「一個月做幾多日野呢?」、「每個月平均賺幾多錢呢?」

但亦有不少人質疑樓主誇大收入,「一張單有廿幾蚊咁好?」、「一日完成幾十張單?」當中更有網友主動幫事主計算,「當你$30張單,$1900 除$30 = 63張單1日,一個鐘3張單...要開20個鐘1日」。而樓主亦有對此回覆,表示現時每月工作天數約20日,月入高達3萬起跳,並表示每天外賣訂單數目、金額都會有所不同,「唔係下下咁計數既,我有時一個鐘已經做左8張啦,有時一個外賣系大單既又唔同」,加上他同時在3個外賣平台工作,分散投資,其收入才會如此可觀。

來源:香港討論區

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】Kilo Calo慢煮即食雞胸套裝!↓

↓ 雞胸經低溫慢煮烹調!/ 提供研製多時的獨特口味!↓

↓ 雞胸經低溫慢煮烹調!/ 提供研製多時的獨特口味!↓

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

↓透過發佈帖文賺取收入!立即參加!↓