41歲TVB人妻女神自爆曾住劏房!愈搬愈奢華改住兩層獨立屋?

文: 黃樂恩
2024.05.09

41歲梁芷珮(Christy)近年主持《潮什麼》系列備受觀眾喜愛,被網民封為「人妻女神」。梁芷珮過往曾自爆曾住劏房,雖然現時收入變得穩定,但她卻未想過買樓,並表示自己坐唔定鍾意四圍搬。最近,梁芷珮自爆租約期滿想搬屋,並在社交平台上分享睇樓實況?

梁芷珮曾做過旅遊雜誌𡃁模,不過入行兩年後便結婚,婚後誕下3個小朋友,便過著相夫教子的生活。直至近年,梁芷珮才轉型繼續做旅行KOL,因主持TVB旅遊節目《潮什麼》系列,人氣再度急升,有傳單靠廣告收益已年賺百萬。梁芷珮曾接受TVB節目《樓價有得估》家訪,當時她直言坐唔定鍾意四圍搬,由700多呎的青衣單位搬到現在970呎的西九龍三房單位,並表示自己未想過買樓,反而跟丈夫把所有收入投放在孩子身上。最近梁芷珮似乎又想搬屋,昨日(8日)她在Instagram上分享了一段睇樓片段,並說道:「原來租約期滿,都唔知搬唔搬好」。

影片中,梁芷珮與老公、小朋友一齊去睇樓,該棟複式豪宅共有兩層,裝潢設計走簡約路線,以白色和淺木色的傢俬為主,設計風格清爽明亮。即使大廳放置了飯枱、沙發,空間仍然寬敞,足夠讓小朋友周圍跑周圍行,一旁的落地玻璃更可通往屋外鋪有草地的小露台、花園,可見毫無遮蔽的翠綠山林,環境相當清幽。廚房方面,整體設計同樣以淺木色以為主,設備完善,雪櫃、煮食器具一應俱全。廁所空間則非常寬闊,雙洗手台設計,不用互搶空間,適合一家五口使用。

梁芷珮對新屋非常滿意,不過她表示自己尚在考慮中,「今日睇嘅樓其實好鐘意,遠咗不過大咗,價錢又差唔多,不過唔知啱唔啱」。許多網友都有提供意見,有人支持梁芷珮搬到這裡,「靚呀,搬啦!拍House Tour」、「空間大咗係好事,至少各人有自己空間,價錢差唔多已經賺咗」。有網友則認為新屋位置偏遠,交通略為不方便,加上家中又有3名小朋友,樓梯圍欄卻採用玻璃設計,安全性成疑。另外亦有眼利網友發現,該棟豪宅疑似是TVB節目《東張西望》早前報導建築質量有問題的屋苑,紛紛建議梁芷珮要審慎考慮,「要睇清楚有冇漏水問題」、「獨立屋,要注意保養問題」。

來源:IG@imchristyleungHKET

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【送禮】滿分好評驅蚊劑!↓

↓旅遊必備!一支驅蚊+防床蝨~↓

↓旅遊必備!一支驅蚊+防床蝨~↓