TVB女藝員吳嘉儀（阿七）一向真性情，有話直說的她昨日（10日）突然爆seed，大呻遭化妝間同事無禮對待兼單單打打，阿七事後大感委屈，更在公司canteen默默落淚！
同場加映： Katch The Pop 2024│MIRROR+ERROR與鄭秀妍Jessica同台表演 怕獻醜互相鞭策提升能力
阿七在IG story大呻冤屈，她寫道：「『你坐喺度賴死都唔會有人幫你整頭』，其實，我都係被通知番（返）嚟試『造型』，準時換衫跟住入化妝間試嘢。」
阿七表示不知道事前相關人員沒有book整髮型：「我事前都唔知道冇book，咁溝通清楚咪大家都好做，試唔到咪唔試囉，唔駛（使）喺化妝間對岸大聲呼喝過嚟嘅。我搵個空位坐埋一邊，諗住打個電話問清楚d個安排，仲要加句話我『賴死』。難道我特登老遠番（返）嚟呃個古裝look？大家同事唔同部門都係做嘢啫，以禮相對好嗎？」她更hashtag自稱「九線演員」：「#將心比己 #就算沒必要友善也不用苛刻 #針對一個九線演員有用嗎 #非常想念那些友善但退休了的同事」
未能成功試造型的阿七去了電視城canteen開餐，越想越委屈的她忍不住喊，她自拍喊喊相留言：「然後坐低食件熱狗，悲就（從）中來，兩行眼淚。去到canteen發現又轉手了，幸好大多熟悉嘅員工仍然留守。」她認為同事間應互相尊重：「啱啱入行時，有前輩分享話後生嘅梗要受下氣啦，鬧下鬧下比（被）人鬧慣就冇嘢。我心諗：咁係咪到我老咗又變返鬧人果（嗰）個？哩d（呢啲）係惡性循環。時代唔同，職場都講求互相尊重，需要雙向嘅，希望大家都謹記互相尊重。」
其實，阿七並非首次在社交網大呻工作慘事，她曾經在社交網直指TVB部分後生同事冇禮貌，表示有同事起初主動找她安排工作，及後決定不起用她，但無任何通知，當時阿七特地為工作染髮，所以她如此勞氣。
圖片來源：IG
」，
App內睇文同睇片可隨時捕捉U Fun彩蛋，
換領現金券及禮品！
↓【送禮】送友邦嘉年華門票連代幣400套！↓
↓【送禮】送友邦嘉年華門票連代幣400套！↓
↓【聖誕送您🎅】 Gourami 時尚運動套裝連HKD 100 現金券↓
↓新一季主打簡約精緻設計短款背心🧘時尚又實用 ↓
