陳凱琳曬後生媽咪超似兩姊妹 預祝母親節鏡後真實畫面更溫馨

同場加映：  母親節快樂丨陳樂榣兩孩之母緊張大師學識放手 Aria複製媽媽性格 鬧女最心痛？

陳凱琳上載多張同媽咪合照，留言：「我永遠是你的BB女，母親節快樂。」相中見陳媽媽（Connie）同又錫臉，又大擺Pose，兩個似best friend多過母女！之後Grace更post出鋼頭後「NG」畫面，見Grace吹到個頭亂晒，媽媽即刻幫佢整理，真係超溫馨！網民都留言大讚陳媽媽凍齡有道：「媽媽好靚女，母親節快樂」、「應該是家姐。」、「兩個都好靚，似姊妹！」有人又指陳凱琳今次呢輯相同媽咪最似樣，打破之前網民話Grace唔係親生嘅謠言。

養兒一百歲，長憂九十九，之前Connie曾經反對寶貝女同鄭嘉穎拍拖，佢曾接受訪問時表示：「我不認識他，二聽聞他很花心，三年紀也有影響，怕他只是玩樂心態，但我又不能一刀切，始終大家都是成年人。」她續指初時因不知如何面對而不敢與鄭嘉穎見面，後來在禱告中找到新方向。同時坦言：「我重視婚姻，工作、交友等可以轉變，但婚姻要很謹慎，不可以『合則來，不合則去』。」

+10

+9

點擊圖片放大

Connie回憶首次見鄭嘉穎的情況：「當時第一次見面，嘉穎好熱情，好有禮貌，實話實說，是個誠實的好孩子，好值得我尊重。我們以成年人態度溝通，令我心入面知道不應覺得他會搶走我個女。」在多次溝通接觸下，他們終於互相接納，成為一家人。二人當時拍拖3年後便結婚，之後一家相處融洽，佢更指湊孫時又會打給對方， 鄭嘉穎又會即刻接，彼此沒有隔膜。Connie大讚鄭嘉穎值101分：「結婚後，我更認識他，他很看重家庭，重得我要叫他減一點，他時常擔心兩個仔長大後會不會不夠錢用，又問老婆過得舒服嗎？我就指她已經很好，他又覺得可以更好，又叫Grace不用慳錢，要用就用。他又會神秘地買靚手袋送給Grace，也會說『唔知點樣去多謝你，我真係好愛你！』」

圖片來源：Instagram