何超蓮33歲生日媽媽三太樸素上鏡 超雲着鬆身衫楔家人背後影相
賭王千金何超蓮（Laurinda）昨日33歲生日，得到萬千寵愛嘅佢上載同家人朋友嘅慶生照，除咗佢同老公合體成為焦點外，家姐超雲都成為討論焦點。
同場加映： Katch The Pop 2024│MIRROR+ERROR與鄭秀妍Jessica同台表演 怕獻醜互相鞭策提升能力
超蓮同三房家人一同於家中慶生，當然唔少得同佢同一日出生嘅龍鳳胎細佬猷啟，而老公竇驍都有「合體」，婚變傳聞不攻自破。相中見到三太着上居家服同戴上cap帽，打扮得非常樸素，而手上都只有一只玉鈪，賭王何太仲低調過《東張》「新何太」！
超蓮家姐超雲雖然社交平台都係公開，但就明顯冇妹妹咁活躍使用，好少更新！而相中超雲着上粉紅色鬆身T-SHIRT，楔喺家人背後，影相時只係突出頭部，雖然之後有一張相都見到佢全身，不過都有人問到超雲係咪有喜。
現年35歲嘅何超雲2022年9月驚爆原來已與高級消防隊長的未婚夫Douglas訂婚，翌年一月更首次公開二人的甜蜜合照。上年兩人6月更拍拖到澳門出席活動，首次合體公開亮相，超雲又於IG story分享佢同Douglas以及妹妹何超蓮與妹夫竇驍一起乘坐直昇機，從香港飛往澳門欣賞張學友演唱會嘅短片，雖然二人一直未見有正式婚禮，但足見佢哋感情穩定。
圖片來源：Instagram
港生活人氣本地熱話
U Lifestyle App全新功能《U GO》強勢登場🎉！
立即探索🔍本地熱門活動📍好去處🔔食買玩情報
↓【限時搶⚡】又一城歡天雪地溜冰門票↓
↓假日消遣首選｜約埋親友享受滑冰體驗↓
